Qırım Müftiligi Qırım, Litvaniya, Poloniya ve Aqrusiyeniñ birinci Müftisiniñ hatırasına bağışlanğan mektep talebelerniñ inşalarını qabul etmege devam ete. İnşalar Qırım Cumhuriyeti ve Sevastopol şeeri mektepleriniñ talebelerinden “Ebediy yüreklerimizde” serlevhalı Bütünqırım edebiy yarışı çerçivesinde qabul etile. Yarış şartları boyunca işler qırımtatar tilinde yazılmalı.
Bugünki künde yarışqa Bağçasaray, Canköy, Qarasuvbazar ve İslâm Terek rayonları mektep talebelerinden tahminen 20 iş keldi.
Teşkilâtçılar qayd etkenine köre, kelgen işler arasında diqqatqa lâyıq olğan inşalar bar, olarnıñ biri Noman Çelebicihanğa bugünki künniñ talebesinden mektüp şekilinde yazılğan.
İşler 2021 senesi, fevral 12 kününe qadar qabul etilecek. Yarış şartlarını, anketanı ve işlerni yollamaq içün elektron poçtanıñ adresini aşağıdaki bağlantı boyunca tapmaq mümkün:
Муфтият Крыма проводит конкурс, посвященный памяти Номана Челебиджихана
Qırım MDİ matbuat hızmeti