Qırım Cumhuriyeti ve Sevastopol şeeri musulmanları diniy idaresinde din ocalarınıñ toplaşuvı çerçivesinde Rusiye İslâm institutında aliy ilâhiyat tahsilini alğan birinci Qırım mezunları taqımı taqdirlendi.
Qırım Müftisi hacı Emirali Ablayev mezunlarnı hayırlap, olarğa Qırımda islâmiy ilimler saasınınıñ inkişaf etmesinde muvafaqiyetli çalışmalar tiledi.
2015 senesi Rİİ ilâhiyat fakultetine oquşqa kirgen 14 student diplomlarını muvafaqiyetnen qorçalap, Qırımğa qaytıp keldi. Rİİ mezunlarınıñ episi – QMDİ İslâm temelleri ocaları ve imamlarıdır.
Şimdiki zamanda Rusiye İslâm institutınıñ İslâm ilâhiyatı fakultetiniñ bakalavrit ve magistraturasında 30-dan ziyade Qırım studenti tahsil ala.
QMDİ matbuat hızmeti
