Qırım musulmanlarınıñ diniy yetekçisi ürmetli Mitropolit Lazarni doğğan kününen hayırlap, oña sağlıq ve ilerideki çoq yıllar devamında faal diniy hızmetini devam ettirmesini tiledi!
“Qırım Cumhuriyeti ve Sevastopol şeeri musulmanları diniy idaresinden ve şahsen öz adımdan Sizni doğğan künüñiz munasebetinnen can-yürekten hayırlayım!
Siz yıllardır eyilik, merhametlik ve adalet ğayelerini yayıp, Qırım cemiyetiniñ maneviy inkişafı ve yüksek ahlâq ideallarına saip çıqması oğurında usanmadan hızmette bulunasıñız. Bütün ömüriñizni Tañrığa ibadetke ve hızmetke bağışladıñız. Kelecek yıllırıñız da, aynı şekilde, hayırlı işlernen ep tolu olsun.
Sizge qaviy sağlıq, amanlıq, eyi allar ve ülviy hızmetiniñizde muvafaqiyetler tileyim. Siziñ ruhaniy ikmetiniz ve ayat tecribeñiz kelecekte de Qırım toprağınıñ maneviy birligine hızmet etsin!
Yüce Rabbimiz Sizge ve yaqınlarıñızğa Öz lütfunı nasip esin!”
Qırım MDİ matbuat hızmeti