Qırım Cumhuriyeti ve Sevastopol şeeri musulmanları diniy idaresine (Tavriya Müftiligine) dostane ziyaret ile Lugansk Halq Cumhuriyeti musulmanları diniy idaresi apparatınıñ reisi Sarhad Yusubov teşrif buyurdı.
Körüşüv devamında Qırım Müftisi hacı Emirali Ablayev Sarhad Yusubovğa ziyareti içün teşekkür bildirdi ve qardaş Lugansk topraqlarında yaşağan musulmanlarğa destek sözlerni bildirdi.
Sarhad Yusubov, öz sırasında, LHC-de yaşağan musulmanlarnıñ ayatı ve Lugansk Müftiliginiñ faaliyetitinen alâqalı planları aqqında tarif etti.
Qırım musulmanlarnıñ maneviy yetekçisi hacı Emirali Ablayev qayd etti ki, Qırımda yaşağan musulmanlar Lugansktaki dindaşlarını destekleyler ve yardım elini uzatmağa er daim azırlar. “Sizler içün qapılarımız er daim açıq, elimizden kelgeni qadar yardım etmege azırmız. Topraqlarımızda amanlıq olması, arbiyler sağ-selâmet ğalebe ile evlerine qaytmaları içün gece-kündüz Yüce Allahqa dua etemiz”, – dedi hacı Emirali Ablayev.
Qırım MDİ matbuat hızmeti