Qırım Cumhuriyeti ve Sevastopol şeeri Müftisi hacı Emirali
Ablayev Qırım Cumhuriyetiniñ Başlığı Sergey Aksönovnı doğğan
kününen hayırladı:
"Ürmetli Sergey Valeryeviç!
Qırım Cumhuriyeti ve Sevastopol şeeri musulmanları diniy idaresi
adından ve şahsen özümden Sizni doğğan künüñiz ile hayırlayım!
Siziñ bölgemizniñ başlığı vazifesinde yıllar devamında çalışuvıñız
neticesinde Qırım Cumhuriyeti devletimizniñ eñ güzel bölgelerinden biri
oldı. Yardımıñız ile Qırımnıñ inkişafı ve refahı içün biñ bir türlü ayatiy
mesele çezildi. Aktiv faaliyetiñiz sayesinde Siz yüksek itibarnı, ve, eñ
esası – yerli sakinlerniñ ve musafirlerimizniñ işançını qazandıñız.
Siziñ işiñizni aqkınen becermeñiz, adaletiñiz, özüñizge ve
işdeşleriñizge nisbeten talapkârlığıñız, mesülietni üstüñizge almağa azır
oluvıñız büyük ürmetke lâyıqtır. Bugün de Siz, istidatlı ve professional
rehber olaraq, zengin bölgemizniñ milletlerara birdemligi ve birligini
temin etmege yönelik bir sıra yañı leyihalarnı ömürge keçiresiñiz.
İleride de bütün Qırım Cumhuriyetiniñ eyiligi içün Sizge can-
göñülden semereli çalışmalar tileyim!
Rabbimiz Sizni ve qorantañıznı qorçalasın, Sizge bereket ve eyilik
bersin! Sizge qaviy sağlıq, baht, barışıqlıq ve amanlıq tileyim!
Ürmet ile, Qırım Cumhuriyeti ve Sevastopol şeeri Müftisi
Hacı Emirali Ablayev"