Qırım Cumhuriyeti ve Sevastopol şeeri Müftiniñ yardımcısı, Aqmescit şeeriniñ baş imamı Muhammed İslamov Halq birdemligi kününiñ arefesinde Qırım Cumhuriyeti ve Sevpastopol şeeri boyunca ÜFSİN-niñ №1 tahqiqat izolâtorını ziyaret etti.
Apiste bulunğanlarnıñ ögünde çıqışta bulunğan Muhammed İslamov olarnı Qırım musulmanlarnıñ diniy yetekçisi, hacı Emirali Ablayev adından selâmladı ve olarğa qaviy sağlıq ile tez vaqıtta evlerine qaytıp, aileleri ile qavuşmaqnı tiledi.
Muhammed İslamovnen birlikte tahkiqat izolâtorını inançlılar ile işni teşkil etüv boyunca ÜFSİN reisiniñ yardımcısı, Dinlerara iş gruppasınıñ reisi protoiyerey Roman Tsurkan ve Aqmescit yehudiy din cemiyetiniñ reisi Arkadiy Tsırulnikov ziyaret ettiler. Dinlerara iş gruppasınıñ azaları mahbüslernen körüşip, zemaneviy ayatta diniy teşkilâtlarnıñ rolü, temel diniy bilgiler, diger din vekillerine sayğı ile davranmaqnıñ kerekligi ve radikal fikirlerniñ tehlikesi, olardan nasıl qaçınmaq kerekligi, mesüliet añlayışışnıñ teşviq etilmesi kerekligi aqqında suhbet keçirdiler.
Körüşüvniñ soñunda mahbüsler arasında diniy mevzuda bilgi yarışması keçirildi.
Qırım MDİ matbuat hızmeti