Sentâbr 3 künü facialı vaqianıñ 17-yıllığı munasebetinen Qırım camilerinde elâk olğanlarnıñ hatırası añıldı.
Qırım ve Sevastopol şeeri Müftisiniñ muavini Raim Ğafarov S.İ. Georgiyevskiy adına Tibbiy akademiyada keçirilgen hatıra merasimlerinde iştirak etti.
“Bu deşetli facianı biz daima büyük keder ile añacamız. Bugün biz elâk olğanlarnıñ canları ve böyle facialarnıñ tekrarlanmaması içün dua etemiz. İnsanlar azap çekmesin, balalar vefat etmesin, analar ağlamasın. Maqsadımız – özümiz ve kelecek nesillerimiz içün barışıqlıqnı teminlemektir”, – dedi Raim Ğafarov.
Elâk olğanlarnı añmaq içün tedbirlerde tibbiy akademiyanıñ ve tibbiy köllecniñ talebeleri, yaş arbiyler ve Qırım Cumhuriyeti akimiyetiniñ vekilleri toplandılar. “Beslan balaları” aktsiyasınıñ iştirakçileri kökke Beslan mektebinde elâk olğan balalar sayısında 186 beyaz ava balonını avağa uçurtıp, elâk olğanlarnı sükünet daqiqası ile añdılar.
Bundan da ğayrı, tedbirde siyaset ve medeniyet erbapları, cemaat teşkilâtlarınıñ azaları, kütleviy matbuat vastalarınıñ vekilleri ve facia qurbanlarınıñ hatırasını añmağa istegen er kes iştirak etti.
Qırım MDİ matbuat hızmeti
