Qurman rayonında Büyük-Onlar mektep-gimnaziyasında “İslâm dünyasınıñ ve Qırımda İslâmnıñ tarihı, Qırım hanlığınıñ tarihı” mevzusında yarış olıp keçti. Musabaqa Qırım Cumhuriyeti ve Sevastopol şeeri musulmanları diniy idaresi ve rayon memuriyetiniñ desteginen ötkerildi. Onda rayon mektepleriniñ ocaları ve talebeleri iştirak ettiler.
Tantanalı taqdirlev merasimini Qurman rayonınıñ baş imamı Suleyman Samedinov keçirdi. Öz çıqışında, o, ecdatlarımıznıñ ve Vatanımıznıñ tarihını, em de dinimizni bilmekniñ emiyetini añlattı.
Ğalebe qazanğan iştirakçiler qıymetli bahşışlarnı ve taqdirnamelerni aldılar. Tedbirniñ soñunda eglenceli programma keçirildi.
Qırım MDİ matbuat hızmeti