Rusiye Federatsiyasınıñ prezidenti Vladimir Pütin Rusiye musulmanlarını Qurban bayramınen hayırladı. Hayırlav Kremlniñ saytında yerleştirildi.
Vladimir Pütin hayırlavında qayd etkenine köre, Qurban diniy bayramı Qurannıñ temelinde olğan yüksek maneviyat, adalet, merhametlik, etraftakilerine sevgi, kibi maneviy qıymetlerniñ timsalidir.
Bundan da ğayrı, Prezidentniñ qayd etkenine köre, asırlıq İslâm an-aneleriniñ devamcıları olaraq musulmanlar Rusiyeniñ medeniy zenginliginiñ saqlanıluvına salmaqlı issesini qoşalar ve cemiyette milletlerara muabbetlikniñ saqlanıluvında iştirak eteler.
Vladimir Pütin Rusiye musulmanlarına sağlıq, baht ve eyi işlerni yapmaq içün küç ve irade tiledi.
QMDİ matbuat hızmeti
