Haberler
Qırımda yaş nesilniñ maneviy terbiyesi aqqında söz yürüttiler (FOTO)
Опубликовано:
Qırım Müftisiniñ muavini Esadullah Bairov Saq şeerinde ötkerilgen "Vmeste" adlı 2-nci Regional forumnıñ işinde iştirak etti. Forumnıñ esas maqsadı – yaşlarnıñ işbirligini inkişaf etmek, milletlerara ve dinlerara birdemlikniñ pekitilmesi içün fırsatlar açmaqtır. Forumnıñ ekinci sektsiyası "Yaş nesilniñ maneviy terbiyesi" mevzusına bağışlandı. Qırım Müftiyatı adından Esadullah Bairov çıqışta bulundı. Müfti muavini dinniñ emiyeti ve tutqan yerini añlattı. Bunıñnen beraber, insannıñ bu alemge kelip, eda etken vazifesi, ayat yolunıñ seçimi kibi felsefiy meselelerni köterdi. "Peyğamberimiz Muhammed (s.a.s) aytqanı kibi, eñ güzel miras – güzel terbiyedir", - dep hatırlattı E.Bairov. Em de, bugünki künde mevcut olğan artqaçlıqlarnı qayd etti. "Bazıda ana-babalar, evlâdına yüklegen mesüliet o qadar büyük ola ki, atta, büyükler buña dayanalmaylar. Balalarnıñ balalığı olmalı. Omuzlarındaki mesüliet ise, daa pekinmegen şahsiyetniñ ilerilemesine menfiy tesir etmek mümkün", - dedi Müfti muavini. E. Bairov Qırım Müftiyatınıñ faaliyeti ve maneviy-maarif işleri aqqında tarif etti. Sektsiyanıñ işinde pravoslav dini vekilleri iştirak ettiler. Forum eki kün çalıştı. QMDİ MDT matbuat hızmeti [gallery link="file" columns="4" size="medium" ids="9359,9357,9355,9353"]
Qırım Müftisi din ocalarınen körüşti (FOTO)
Опубликовано:
Qırım müsülmanları Diniy İdaresinde Qırım Müftisi hacı Emirali Ablayev din ocalarınen körüşüv keçirdi. Tedbirde bir çoq meseleler muzakere etildi: oquv planları, bilgilerge qıymet kesüv, yañı oquv qullanmalarınıñ neşir etilüvi ve ilâhre. Mektepteki tatil künleri devamında ötkerilmesi közde tutulğan "Altın nesil" bütün Qırım yarışınıñ finalına tedarik meselelerine büyük diqqat ayırıldı. Qırım Müftisi ocalarğa yapqan hızmetleri içün teşekkürler bildirdi ve ileride de maarif leyihalarına qol tutacağında işandırdı. "Maarif esas hızmetimizdir. Yaş nesilge daa çoq diqqat ayıracaqmız. Çünki bu, İslâm bilgileri oğrunda, cemaatımıznıñ gürlemesi maqsadında sarf etilgen bir emek", - dedi Müfti. Soñunda, Müfti efendi ocalarğa muvafaqiyetler tilep, diniy-maarif işleri tek eyilik ketirgenini qayd etti. QMDİ MDT matbuat hızmeti [gallery link="file" columns="4" size="medium" ids="9280,9278,9276,9274,9272,9270"]
Qırım Müftiyatında imamlarnıñ Ruslan Balbek ile körüşüv olıp keçti (FOTO)
Опубликовано:
Qırım Müftisi hacı Emirali Ablayev ve RF DD deputatı Ruslan Balbekniñ yerli regional imamlarnen ve Qırım rayonları ve şeer cemiyetleriniñ başlarınen körüşüv olıp keçti. Körüşüv devamında iştirakçiler eñ zarur ve mürekkep meselelerni köterdiler, bu cümleden, orta umumtasil mekteplerinde ve bala bağçalarında qırımtatar tiliniñ ögrenilmesi probleması da muzakere etildi. Ruslan Balbekniñ sözlerine köre, tilniñ teşviq etilip, mot olması eñ evelâ ealige bağlı. "Bir misal ketireyim, Aqmescit rayonında, rayon memuriyeti muavini Ruslan Yakubovnıñ teşebbüsinen, bala bağçalarınıñ birinde eki tilli gruppa açıldı, şu gruppağa em qırımtatar, em başqa halq vekilleriniñ ana-babaları balalarını kirsetmege tırışalar. Yani, ana-babalar evlâdları ana tilini bilmelerini isteyler ", - dedi R. Balbek. Yedi Quyu rayonınıñ imamı Rustem Memet añlatqanı kibi, din cemiyeti ve yerli akimiyetniñ işbirligi sayesinde, Kalinovka köyüniñ yerli mektebinde qırımtatar tili ayrı bir fen olaraq ögrenile. Din erbapları müsülmanlarnıñ ayatı, rayonlarda ötkerilgen tedbir ve merasimler, meseleler etrafında söz yürüttiler. Hususan, ibadethanelerni resmiyleştirmek, kommunikatsiyalarnı keçirmek kibi problemalar eñ aktual olaraq qayd etildi. Seyitler rayonı din cemiyeti reisi Rustem Temirov bildirgeni kibi, şu qasabada cami olmağanı sebebinden müsülmanlar ibadetlerini yerine ketirip olamaylar. Rustem Temirov ya odanıñ satın alınması, ya da boş olıp turğan Medeniyet Eviniñ ibadethane sıfatında qullanmaq teklifinen bulundı. Bunıñnen beraber, sport salonını açmaq teklifi yañğıradı. R. Balbek bu meseleni nezaret astına almağa vade etti ve Müftinen beraber peyda olğan meselelerni çezmege söz berdi. QMDİ MDT matbuat hızmeti [gallery link="file" columns="4" size="medium" ids="9241,9239,9237,9235"]
Aq-Şeyh qasabasında İslâm dini kurslarınıñ talebelerine Quran berildi (FOTO)
Опубликовано:
Aq-Şeyh qasabasınıñ ibadethanesinde Quran Oquvı boyunca Kurslar yekünlenip, tantanalı merasim ötkerildi. Quran Kitaplarını 5 mezun bahşış olaraq qazandı. Bahşışlarnı Qırım Müftisi ve Diniy İdare adından qadınlarğa rayon imamı Leman Abduramanov bağışladı. Şimdiki vaqıtta, Quran oquvı boyunca Kurslarğa qadınlar qabul etile. Aq-Şeyh qasabası. Dimitrov soq, 2 adresi boyunca muracaat etmek mümkün. Telefon: +7978 714 60 35. QMDİ MDT matbuat hızmeti [gallery link="file" columns="4" size="medium" ids="9257,9255,9253,9251,9249,9247,9245,9243"]
Qırım Müftiyatınıñ vekilleri müsülman teşkilâtlarınıñ 5-nci bütün Rusiye keñeşinde iştirak ettiler (FOTO)
Опубликовано:
Moskva şeerinde "Müsülman qorantalarında milliy ananeler" serlevalı 5-nci bütün Rusiye keñeşi olıp keçti. Tedbirde Rusiyeniñ 32 regiondan müsülman qadın-qızlar teşkilâtlarınıñ azaları, oca ve oquv yurtlarınıñ talebeleri iştirak ettiler. Qırım Cumhuriyetini Qırım Müftiyatınıñ "Faydalı ilim" leyihasınıñ reberi Zeyneb Bairova ve "Büllür" cemaat teşkilâtınıñ azası Niyara Canbazova temsil ettiler. Tedbir çerçivesinde hanımlar zemaneviy müsülman qorantalarda kütülgen ananelerni muzakere ettiler, şeriat ve dinge zıt kelmegen ananelerniñ birleşme tekliflerinen paylaştılar. Bunıñnen beraber, çeşit din vekilleriniñ evlenme tarzı ve biri-birine alışma tevsiyeleri seslendirildi. Çıqışta bulunğan Zeyneb Bairova qırımtatarlarnıñ urf-adetleri İslâm dini ile ne derecede bağlı olğanını añlattı. Tedbirde Sovet Birligi halqlarınıñ milliy kiyimleri numayış etildi. Kollektsiya müellifi Natalya Çörnıh bildirgeni kibi, olarnıñ episi dinge uyğun bir şekilde tikilgen. QMDİ MDT matbuat hızmeti [gallery link="file" columns="4" size="medium" ids="9228,9226,9224,9222,9220,9218,9216,9214,9212,9210,9208,9206,9204"]
Aqmescit rayonında Derviza bayramı qayd etildi (FOTO)
Опубликовано:
Qırım Müftisiniñ muavini Ayder İsmailov qırımtatar medeniyetine bağışlanğan "Derviza" bayramında iştirak etti. Merasim Aqmescit rayonı Sarabuz köyünde ötkerildi. Eñ başında Ayder İsmailov dua oqup, musafirlerge sağlıq, amanlıq, bol bereket tiledi. "Derviza - Allah bergen bereket, eyiliklerge şükür etmek demektir. Er birimiz bunıñ qıymetini bilmelimiz. Biz, muqaddes topraqlarda yaşap, çalışamız, tuvğan mekânımızda, kelecek nesiller içün hızmet etemiz", - dedi Ayder oca. Rayon sakinleri ve musafirleri içün şeñ kontsert, yarmalıq, master-klass taqdim etildi, balalar ise, oynap, eglendiler. Sarabuz köyüniñ sport meydanında em Aqmescit rayonı. Em de Qarasuvbazar, Saq rayonı, Aqmescit ve Kezlevden kelgen eñ eyi icadiy taqımlar kontsert programmasını numayış ettiler. Bu cümleden, Ukraina ve Tatarstanda nam qazanğan artist Server Kakuranıñ reberliginde "Qırım" ansambli bayramnı yaraştırdılar. Toplaşqanlar ögünde Aqmescit rayonı memuriyetiniñ yolbaşçısı İrini Boyko, Sarabuz qasabasınıñ reberi İgor Çiçkin, fahriy musafirler - QC DŞ reis muavini Remzi İlyasov, RF Prezidenti yanında milletlerara munasebetleri boyunca Şuranıñ azası Eskender Bilâlov, milletlerara munasebetler boyunca Devlet komitetiniñ reisi Zaur Smirnov, "Yedinaya Rossiya" firqasınıñ yerli bölüginiñ kâtibi Aleksandr Milaşenko çıqışta bulunıp, hayırladılar. Bayramda Aqmescit rayonı ve başqa rayonlardan musafirler bulundılar. Esnafçı ve ustalar öz eser ve işlerini numayış ettiler, bunıñnen beraber, köy hocalığı yarmalığı da çalıştı. Festival çerçivesinde erkekler ve ösmürler arasında Küreş sport çeşiti boyunca yarış teşkil etildi. Yarışta 2006, 2004, 2003, 2000 seneleri doğğan balalar ve 17 yaşından büyük erkekler, umumen 100 sportçı küçlerini sınap baqtılar. Ğalipler akimiyet vekilleri tarafından taqdirlendiler. "Eñ yaş iştirakçi", "Eñ güzel tehnika", "Ğalebege ıntılğan sportçı" nominatsiyalarında ğalip çıqqanlar Aqmescit rayonı memuriyeti reisi tarafından Kubok qazandılar. Absolüt kategoriyasında Perevalnoye köyünden Dilâver Baliç 1-nci yerge nail oldı. Sportçı mukâfat olaraq qoy aldı. Eñ kiçik musafirler içün attraktsionlar, at kezintileri, "ebru" sanatı boyunca master –klass keçirildi. Er iştirakçi bahşış aldı. Bayram adet üzre horan ile yekünlendi. Tedbirge tahminen 3 biñ insan qatıldı. Spravka: Derviza – bereket bayramıdır. Adetince, Derviza sentâbrniñ 22-nde qayd etile. Bu künge qadar tarlalarda bütün işler yekünlenip, bereket cıyıla edi. Soñunda ise, cemaat tarafından büyük bayram teşkil etile edi. Bayram duanen başlap, qurban ketirilip, yarmalıq, oyunlar, yarışlarnen yaraştırıla edi. Soñunda er kes horan oynadı. QMDİ MDT matbuat hızmeti (Aqmescit rayonı memuriyeti intsormatsion tehnologiyaları ve matbuat vastaları ile işbirlik bölüginiñ malümatına esaslanğan) [gallery link="file" columns="4" size="medium" ids="9112,9110,9108,9106,9104,9102,9100,9098,9096,9094,9092,9090"]
Aqmescitteki 1-sanlı ceza koloniyasında diniy aqıntılar mevzusında lektsiya keçirildi (FOTO)
Опубликовано:
Aqmescitte 1 sanlı ceza koloniyasında ekstremistik teşkilâtlarnıñ cemiyetke olğan menfiy tesiri ile bağlı lektsiya keçirildi. Qırım Müftiyatı, Aqmescit ve Qırım Yeparhiyası, mahsus müessiselerni nezaret etken Prokuratura vekilleri koloniyada bulunğan vatandaşlarımız ögünde çıqışta bulundılar. Qırım Cumhuriyetiniñ Cezalarnı yerine ketirgen Federal hızmetniñ din işlerini idare etken yolbaşçı muavini Roman Tsurkan, mahsus müessiselerni nezaret etken Prokurornıñ üyken yardımcısı Vitaliy Koşman ve Qırım Müftiyatınıñ mahkümler ile çalışqan baş mütehassıs Muhammed İslamov maneviy ve ahlâqiy degerlikler, ekstremizmniñ menfiy tesiri ve aqibetleri aqqında söz yürüttiler. "Lektsiya devamında aqiqiy İslâm ve Pravoslav hristianlıqtan dininden uzaq turğan ve öz menfaatlarında çalışqan sektalarnıñ tesiri, olarğa qoşulıp, başqalarnı celp etüvi içün berilgen ceza aqqında añlattıq", - dedi Muhammed İslamov. İmamnıñ bildirgenine köre, mahküm etilgen vatandaşlarğa olarnıñ qoluna tüşken er türlü kitap ve malümat Müftiyat tarafından tasdiqlanması tevsiye etildi. Muhammed İslamovnıñ bildirgeni kibi, bu soy tedbirler maneviyat ceetinden faydalı olıp, radikal ğayelerniñ darqalmasına izin bermey. QMDİ MDT matbuat hızmeti [gallery link="file" columns="4" size="medium" ids="9084,9082,9080,9078,9076"]
Cuma caminiñ qubbeleri tiklenecek (FOTO)
Опубликовано:
Aqmescitte Cuma caminiñ inşaatı devam ete. Şimdiki vaqıtta qurucılar qubbelerni yerleştireler. Leyiha boyunca binanıñ bir dane büyük, dört dane orta kölemde, daa 28 kiçik ve azbarında daa 24 qubbesi olacaq. QMDİ MDT matbuat hızmeti [gallery link="file" columns="4" size="medium" ids="9066,9064,9062,9060,9058,9056,9054,9052,9050,9048,9046,9044,9042,9040,9038,9036"]
Qadır camide balalar içün İslâm dini Kursları açıla
Опубликовано:
Aqmescit rayonında balalar içün İslâm dini esasları boyunca Kurslar açılacaq. Levadki köyüniñ Qadır camisinde ötkerilecek derslerge 6 yaşından başlap balalar davet etile. Kurslar Qırım Müftiyatınıñ "Faydalı ilim" leyihası çerçivesinde "Büllür" qadın-qızlar teşkilâtınıñ desteginen teşkil etile. Yazılmaq içün +7(978)8716258 nomeralı telefon ile ocalarnen bağlanıñız. Talebeler İslâm esasları, edep qaideleri, Quran oquvı, sure ve dualarnı ögrenecekler. Birinci ders sentâbrniñ 24-nde saat 11:00-de başlanacaq. QMDİ MDT matbuat hızmeti
Qırım hacıları Vatanğa qayttılar (FOTO)
Опубликовано:
Sentâbrniñ 19-nda, salı künü Qırım hacılarınıñ soñki eyyeti (116 insan) Vatanğa qayttı. Musulmanlarnı Qırım Müftisi muavini Esadullah Bairov qarşıladı. O, dindaşlarnı sağ-selâmet qaytıp kelgenleri ile hayırladı. Hacılar öz nevbetinde Qırım Müftiyatı ve AVN-tur turistik operatorına teşekkürler bildirdiler. Aytqanlarına köre, eyi musafirhane, yemek ve eñ kerekli şeylernen teminlengen ediler. Bundan da ğayrı, yolcularnen birlikte ekim buluna edi. Esadullah Bairovnıñ bildirgenine köre, hacılar eyi durumda ve sağ-selâmet, yolnı güzel keçirdiler. "Eñ yaqın vaqıtta Hacılıqqa yekün çekilecek bir toplaşuv ötkerecekmiz. Müsbet ve menfiyy taraflarnı muzakere etip, ileride Hacılıqnıñ seviyesini eyileştirmek niyetindemiz", - dedi Esadullah Bairov. Bu yıl Qırımdan 370 adam Hacılıqqa barıp keldi. QMDİ MDT matbuat hızmeti [gallery link="file" columns="4" size="medium" ids="8996,8994,8992,8990,8988,8986,8984,8982,8980,8978,8976,8974,8972,8970,8968,8966,8964,8962,8960,8958,8956,8954,8952,8950"]
Qırım Müftiyatı ve Stavropol ülkesi Müftiyatı arasında işbirlik aqqında añlaşma tizildi (FOTO)
Опубликовано:
Qırım müsülmanları Diniy İdaresinde Qırım Müftisi hacı Emirali Ablayevniñ yarımadada iş ziyareti ile bulunğan Stavropol ülkesiniñ Müftisi Muhammad haci Rahimov ile körüşüvi olıp keçti. Tedbirde eki taraf vekilleri er regionda ükümsürgen diniy vaziyet, müsülmanlarnıñ ayatı aqqında tarif ettiler. Muhammad haci Rahimov, öz nevbetinde, Stavropol Diniy İdaresi ötkergen tedbirler, qurğan planlarınınen bağlı malümat berdi. Körüşüvde eki Diniy İdare arasında işbirlik aqqında Añlaşma tizdiler. Vesiqağa köre, maarif ve tasil saalarına ait leyihalar birlikte kerçekleştirilecegi belli oldı. Musafirler qurulayatqan Cuma Cami kompleksini ziyaret ettiler. QMDİ MDT matbuat hızmeti
Hacılıqqa barğan vatandaşlarımıznıñ ekinci eyyeti Vatanğa qayttı (FOTO)
Опубликовано:
Mekkeden 64 insandan ibaret olğan hacılarımıznıñ ekinci gruppası Vatanğa qayttı. "Vostoçnaya" avtostantsiyasında hacılarnı Qırım Müftisiniñ muavini Esadullah Bairov qarşıladı. O, dindaşlarnı sağ-selâmet qaytqanları ve Hacılıq ibadetini yerine ketirgenleri ile hayırladı. Gruppa azaları Dubaiden (BAE) gece çıqıp, Krasnodarda eñdiler, soñra, avtobuslarğa minip, Aqmescitke kelip çıqtılar. Uzun yol keçirgen vatandaşlarımız eyi durumda ediler. Olar, Hacılıq seferini azırlamağa yardım etken ve mesül olğan Qırım Diniy İdaresi ve AVN –tur öpreatorına teşekkürler bildirdiler. Gruppa yolbaşçısı, Qırım Müftiyatınıñ hadimi Ridvan Maksudovnıñ aytqanına köre, hacılar sıcaqqa sabır etip, kerekli ibadetlerni yerine ketirdiler. "Qadınlarımıznıñ cesürligi ve sabırına "maşallah" aytmağa ister edik. Gruppa terkibinde 21 qadın buluna, olardan bir qaç hanım yaqın vaqıtta ana olacaqlar, Allah olarğa sağlam, ahlâqlı balalarnı doğıp yetiştirmege nasip etsin", dedi R. Maksudov. Hatırlatamız, keçenlerde Qırımğa hacılarnıñ birinci gruppası kelip çıqtı. Nevbetteki gruppa bu raatlıq künleri qaytacaq. Umumen alğanda bu yıl Qırımdan 370 müsülman Hacılıqqa ketti. QMDİ MDT matbuat hızmeti [gallery link="file" columns="4" size="medium" ids="8644,8642,8640,8638,8636,8634,8632,8630,8628,8626,8624,8622,8620,8618,8616,8614,8612,8610,8608,8606,8604"]