Haberler
Qırım Müftiligi santraç oyunı turnirinde I yerni aldı (FOTO)
Опубликовано:
Qırım Müftiligi taqımı dinlerara santraç oyunı turnirinde ğalebe qazandı. Tedbir mayıs 31 künü Aqmescitte şeer Kününiñ qayd etilüvi çerçivesinde olıp keçti. I yer içün medal ve kuboknı Qırım müsulmanları Diniy İdaresiniñ hadimi Enver Osmanov aldı. "Turnir pek meraqlı oldı. Raqipler farqlı yaşta edi, olarnıñ arasında em yaşlar, em de esli başlılar olğandır, olarnen yarışmaq meraqlı oldı, ğalebe qazanğanım içün çoq memnünim". Bundan da ğayrı, o, bu kibi turnirlerni tek bayram künleri degil, sıqça ötkermek kerekligini qayd etti. Enver Osmanov: "Santraç oyunı miyimizni çalıştıra, bir qaç adım ögge baqıp tüşünmege ögrete, mantıqnı inkişaf ete, umumen, santraç oyunı – pek güzel oyundır. Büyükler olaraq onı yaşlarğa tevsiye ete bilemiz", - dep ayttı. Hatırlatamız, Aqmescitte şeer asıl olğanınıñ 234-yıllığına bağışlanğan bir sıra tedbirlerniñ keçirilmesi planlaştırıla. QMDİ matbuat hızmeti [gallery link="file" columns="4" size="medium" ids="16436"]
Qırımnıñ Canköy rayonında eñ güzel Quran oquyıcısını seçip aldılar (FOTO)
Опубликовано:
Canköyde yaşları 45 üyken olğan qadın ve erkekler arasında eñ güzel Quran oquyıcısı yarışınıñ saylav turı olıp keçti. Yarışta Canköy ve şeerge yaqın yerleşken köylerden kelgen 30 insan iştirak etti. Tedbirni Canköy rayonınıñ baş imamı Muzafar Yağyayev açtı. Yarışnıñ neticesinde jüri azaları Quran oquyıcıları Bütünqırım yarışınıñ finalına çıqqan 6 insannı sayladı. Olarnıñ arasında Rustem Ümerov, Dilâver Gaybullayev, İlimdar Acimuratov, Nazife Seytibragimova, Roziye Seydametova ve Zera İsmailova. Bütün iştirakçiler hatıra bahşişları ile taqdirlendi. Hatırlatamız, Qırım ve Sevastopol şeeri müsulmanları Diniy idaresi Bütünqırım asıl Quran oquyıcıları yarışını keçirmekte. Yarışta yaşları 45 üyken olğan qadın ve erkişiler iştirak ete bile. Saylav turları rayon ve mesken yerlerniñ camilerinde olıp keçe. Bütünqırım Quran oquyıcıları Yarışınıñ finalı Ramazan ayınıñ 27 künü Aqmescitniñ merkeziy Kebir camisinde ötkerilecek. Finalistler qıymetli bahşişlar ile taqdirlenecek. Esas başhiş – hacılıqqa bedava yolculıqtır. Yarışnıñ saylav turları devam ete. İştirak etmek istegenler imamına muracaat ete bile. QMDİ matbuat hızmeti [gallery link="file" columns="4" size="medium" ids="16311,16309,16307,16305,16303"]
Qırımda “Uzaq köylerde iftar” aktsiyası devam ete (FOTO)
Опубликовано:
Qırım müsulmanları diniy idaresi "Açıq yürekler" qırımtatar göñüllüler teşkilâtı ile birlikte "Uzaq köylerde iftar" aktsiyası çerçivesinde iftarlarnı keçirmege devam ete. Mayıs 27 künü iftarlar Qurman rayonınıñ Taşlı-Kipçak ve Cürçi rayonınıñ Fraydorf köylerinde ötkerildi. Taşlı-Kipçak köyünde keçirilgen iftarğa 70 insan keldi, Fraydorf köyünde ise 80 orazalı qoşuldı. Göñülliler sıcaq aş pişirdi, sofralarnı sebze, meyvalar, salata ve tatlılarnen donattılar. İftar azırlıqlarında köy imamınıñ başlığında yerli sakinler yardım etti. Mayıs 29 künü ise iftar Bağçasaray rayonınıñ Süyür-Taş köyünde keçirilecek. Bundan da ğayrı, mayıs 30 künü "Uzaq köylerde iftar" aktsiyası çerçivesinde iftar birinci kere Saq rayonınıñ Zernovoye köyünde ötkerilecek. QMDİ matbuat hızmeti [gallery link="file" columns="4" size="medium" ids="16287,16285,16283,16281,16279,16277,16275,16273,16271,16269,16267,16265,16263,16261,16259,16257,16255,16253,16251,16249,16247,16245,16243"]
Ramazannıñ maneviy ğıdası (FOTO)
Опубликовано:
Bağçasaray rayonınıñ Büyük-Süren camisinde yerli cemaatnıñ destegi ile "Büllür" Qırım müsulman qadınları Birlişmesi tarafından iftar keçirildi. İftarğa 50 yaqın insan qoşuldı. İftardan evel qadınlar Ramazan ayınıñ qıymeti ve er bir müsulman içün onıñ müimligi aqqında lektsiyanı diñlediler. "Büllür" iftarda destek köstergen yerli din cemiyeti ve issesini qoşkan er keske teşekkürler bildire. QMDİ matbuat hızmeti [gallery link="file" columns="4" size="medium" ids="16233,16231,16229,16227"]
“Faydalı ilim” mektebi mezunlarnı hayırladı (FOTO)
Опубликовано:
Qırım müsulmanları Diniy İdaresiniñ "Faydalı ilim" oqutuv-maarif merkezinde mezunlar bayramı olıp keçti. Mektepke üç yıl devamında qatnağan talebeler attestatlarnı aldı. 14 insan üç yıllıq kurslarını yekünlegeni aqqında diplomlarnı aldılar. Mezunlar bayram programmasını azırlap, bilgilerini numayış ettiler, şiirler oqudılar ve sanalıştıruvlarda iştirak ettiler. Olarnıñ ögünde "Emanet" vokal taqımı çıqışta bulundı. Aynı zamanda "Faydalı ilim" mektebinde birinci kursnı yekünlegen 18 talebeni ekinci kursqa keçkenlerinen hayırladılar. Ekinci kursta olar Quran oqumaqnı ögrenecekler. Tedbirniñ soñunda mezunlar içün iftar keçirildi. QMDİ matbuat hızmeti [gallery link="file" columns="4" size="medium" ids="16183,16181,16179,16177"]
Körbekte hayriye iftarı keçirildi (FOTO)
Опубликовано:
Aluşta rayonınıñ Körbek köyüniñ camisinde Qırım müsulmanları Diniy İdaresi ve "Açıq yürekler" göñülliler teşkilâtı tarafından hayriye iftarı ötkerildi. İftar, "Uzaq köylerde iftar" umumiy aktsiya çerçivesinde keçirildi. Aqşam namazı ve iftarğa 100-den ziyade insan keldi. Cami imamı Lokman Vefayevniñ sözlerine köre, köy sakinleri iftar keçirilmesi ğayesine memnüniyetlik ile seslendi. Erkekler yemek pişirmek içün yerni azırladılar, qadınlar ise sıcaq aşlarnı pişirdiler. İftar dostane müitte keçti. Sakinler, göñülliler ve Müftilikke iftarnı teşkil etkenleri içün, teşekkürler bildirdi. Bundan da ğayrı, bu kibi tedbirler milletniñ birleşmesine siltem berecegine ümürlerini beslediler. Al-azırda Körbek köyünde 400 qırımtatar qorantası yaşay. "Uzaq köylerde iftar" aktsiyası Ramazan ayınıñ soñuna qadar devam etecek. QMDİ matbuat hızmeti [gallery link="file" columns="4" size="medium" ids="16174,16172,16170,16168,16166,16164,16162,16160,16158,16156,16154,16152,16150,16148,16146"]
Müftilikte Quran oquvı boyunca yekünleyici ders ötkerildi (FOTO)
Опубликовано:
Qırım müsulmanları Diniy İdaresinde Quran kurslarına qatnağan talebelerniñ bilgileri teşkerildi. QMDİ "Faydalı ilim" tarafından keçirilgen İslâm temelleri ve Quran oquvı kurslarını yekünlegen 20-den ziyade qadın soñki açıq derste iştirak etti. Er bir gruppa öz bilgilerini numayış etti. Talebelerni QMDİ İslâm dini ocaları hayırladı. Qadınlarğa kursnı yekünlegenleri aqqında sertifikatlar berildi. Birinci kursnı bitirgen talebeler Quranlarnı aldılar. Yaz mevsimi devamında Quran kursları tezleştirilgen programma boyunca keçirilecek. Dersler er cumaaqşamı ve bazar künleri Kebir camide saat 10:00 ötkerile. Yazılmaq içün telefon +7 (978) 031-75-60. QMDİ matbuat hızmeti [gallery link="file" columns="4" size="medium" ids="16206,16204,16202,16200,16198,16196,16194"]
“Büllür” teşkilâtı bütün Qırımda iftarlar keçire (FOTO)
Опубликовано:
Qarasuvbazar rayonınıñ Köktaş köyünde ğayrıdan tiklenilgen cami olğan yerde iftar keçirildi. Tedbirge 135 insan qoşuldı. İftarnıñ teşkilâtçıları – Qırım musulmanları Diniy idaresi ve yerli cemaatnıñ qoltutuvı ile "Büllür" Qırım müsulman qadınlarınıñ Birleşmesidir. İftarğa Köktaş ve köyge yaqın yerleşken Köpürliköy, Çoqraq, Ortalan, Sollar köyleriniñ sakinleri qoşuldı. İftar devamında balalar "Büllür" teşkilâtı azırlağan tatlı bahşiş aldılar. İftarnıñ teşkil etilüvinde QMDİ daimiy göñülden yardım etken Seyran Kerimov de iştirak etti. Orta asırlıq cami 2017 senesi virane aldan ğayrıdan tiklenildi. Onıñ restavratsiyası 2014 senesiniñ oktâbr ayında başlandı, 2017 senesi ise camide birinci namaz keçirildi. QMDİ matbuat hızmeti [gallery link="file" columns="4" size="medium" ids="16225,16223,16221,16219,16217,16215,16213,16211,16209"]
“Yañı baar” balaları oquv yılınıñ soñunı qayd ettiler (FOTO)
Опубликовано:
Qırım müsulmanları Diniy idaresiniñ "Faydalı ilim" oqutuv-maarif merkezinde oquv yılınıñ soñu qayd etildi. "Yañı baar" diniy-maarif leyhasınıñ talebeleri birinci attestatlarını aldılar. Olarnıñ arasında 3-7 yaşlı balalar. "Yañı baar" leyhasınıñ ocaları talebelernen birlikte bayram programmasını azırladılar. Balalar mini-spektakllerde iştirak ettiler, Muhammed Peyğamber (s.a.s.) aqqında şiirler oqudılar ve Qurandan surelerni ayttılar! Muqaddes Kitapnı oqumağa ögrengen talebeler Qırım Müftisi adından bahşiş olaraq Qurannı aldılar. Quran oqumaq ögrengen talebelerniñ eñ küçügi 4 yaşındadır! Bundan da ğayrı, olarğa medaller, fahriy yarlıqlar ve bahşişlar berildi. Tedbir küçük müsulmanlar içün azırlanğan "küçük iftar"nen yekünlendi! Hatırlatamız, "Yañı baar" kursları 3-7 yaşlı balalar içün yaz tatilleri devamında da çalışa. Dersler er cumaertesi künü saat 10:00 ötkerilecek. Er künlük oquv yılı ise sentâbrde başlanacaq. QMDİ matbuat hızmeti [gallery link="file" columns="4" size="medium" ids="16090,16088,16086,16084,16082,16080,16078,16076"]
Suç işlemeye teşvik eden sebepler şoke etti, – Kırım Müftüsü Emirali Ablaev (VIDEO)
Опубликовано:
Kırım Müftüsü hacı Emirali ABLAYEV evine molotof kokteyli saldırı yapılmasıyla ilgili bunları belirtti: «Bir insana karşı, onun şerefine ve mülkiyetine karşı suç işlemeye teşebbüs edildiği vakit, Alemlerin Rabbine karşı suç işlenmiş demektir». Ayrıca Kırım Müftüsü faillerin gecenin karanlığından faydalandıklarını anlattı: «Gece vakti, yaklaşık olarak saat üçte, bir patlama sesi duyuldu ve pencereden bir parlaklık görüldü. Gençler sokakta fişek patlatıyorlar diye önemsemedik. Sabah işe giderken şişenin kırıntılarını ve yangın izlerini gördük, evimize «Molotof kokteyli» atıldığını anladık. Allah’tan, eve isabet eden şişeler tutuşmadı, çit üzerine düşenler tutuştu. Saldırganlar kayboldu. Sabah yangını görünce emniyete bildirdik». O, aynı şekilde, bu işi yapanların kimler tarafından bu suçu işlemeye teşvik edildiğini ve gerekçelerini öğrenince şoke olduğunu vurguladı. Bu gün Kırım’da Ukrayna Milletvekili yardımcısı tarafından oluşturulan bir çetenin faaliyeti FSB tarafından önlendiği belli oldu. FSB Halkla İlişkiler Merkezi hadise ile ilgili haber verdi. Yetkililerin açıklamasına göre, olayla ilgili Federal Güvenlik Servisi ile Rusya İçişleri Bakanlığının birlikte yürüttükleri soruşturma neticesinde Ukrayna Milletvekili Mustafa Cemilev’in yardımcısı Erol Veliyev tarafından oluşturulan ekstremist bir grubun faaliyeti açığa çıkarıldı. Bunlar, Rusya’da yasadışı olan Kırım Tatar Milli Meclisi ve onun reisi Refat Çubarov’un talimatı ve Ukrayna Güvenlik Servisinin desteği ile hareket ettikleri belirtildi. Ukrayna’nın Harkov ilinde oluşturulan bu çetede Erol Veliyev’in dışında eski boksörlerden A. Steşenko ve A. Tretyakov da vardı. «Temelinde siyasi düşmanlık olan ve Rusiye taraftarı Kırım tatarlarını korkutmak ve Kırım Cumhuriyetinde milletlerara gerginlik meydana getirmek için ekstremist bir grup teşkil edildi ve suç işlemeye planlaştırıldığı» merkezi tarafından bildirildi. Sanıklardan Aleksandr Steşenko şöyle anlattı: Bize Kırım müftüsünün evini yakma görevi verildi. Bu görevi bize Erol Veliyev (Ukrayna milletvekili Mustafa Cemilev’in yardımcısı) verdi. Bana ve Aleksandr Tretyakov’a. Biz arabaya oturduk ve hareket ettik. O (Erol Veliyev) bize bir ev gösterdi ve ‘burada Kırım müftüsü yaşıyor’ dedi. Evini ateşe vermemiz gerektiğini söyledi. Bunun için markete gidip iki şişe şarap getirmemiz gerektiğini söyledi. Ben kabul etmedim, çünkü suçsuz insanlar zarar görebilirdi. Başka olanağı yoktu, şişeleri kendileri aldılar ve gittiler evi yakmaya. Böylece, Ocak 2018 ekstremist yanlısı bir grup molotof kokteyli saldırı düzenleyerek Kırım Müftüsü Hacı Emirali Ablayev’in evini yakmaya çalıştılar. Buna benzer Kırım’da yapılacak her yıkıcı faaliyet için 500 dolardan vadedilmiş olduğu özel servis yetkilileri tarafından haber edildi. Kırım Müslümanları Dini İdaresi Basın-Yayın Servisi [embed]https://www.youtube.com/watch?v=_wofvyoaP7k&feature=youtu.be[/embed]
Qırım camilerinde sürgünlik qurbanları añıldı (FOTO)
Опубликовано:
Mayısnıñ 18-nde Qırım camilerinde sürgünlik qurbanlarınıñ hatırasına dualar oquldı. Qırımnıñ merkeziy Kebir camisinde cuma namazı ve añma duasına 250 yaqın insan keldi. Cuma namazından evel "Yasin" suresi oquldı. Kelgenler 1944 s. mayıs 18 künü sürgünlik qurbanlarına dualar oqudılar. Cuma hutbesi qırımtatar halqınıñ bu qara künlerine bağışlanğandır. Qırım müsulmanlarınıñ Diniy lideri haci Emirali Ablayev, qırımtatar halqınıñ bu qara künleri milletniñ yüreginde daima qalacağı aqqında ayttı. "Biz er vaqıt dua oqıp, Allahqa merhumlarnıñ ruhları cennetli olmaları içün yalvaracamız. Bizim ana-babalarımız bu deşetli künlerni yaşadı, biz ise bunı unutmayıp, ömürimizniñ er künü milletimizniñ parlaq kelecegini adım-adım qurmalımız. Bu kibi facialar dünyanıñ iç bir yerinde bir vaqıt tekrarlanmasın", - dep ayttı Qırım Müftisi. Adet üzre qırımtatarlarğa sürgünliknen bağlı göñüldeşligini köstermek içün, Qırımnıñ diger konfessiyalarnıñ vekilleri kendi ibadethanelerinde dualar keçirdiler. QMDİ matbuat hızmeti [gallery link="file" columns="4" size="medium" ids="16024,16032,16030,16028,16026,16022,16020,16018,16016,16014,16012,16010,16008,16006,16004"]
Moskva şeerinde Qırım hacılıq-operatorınıñ ofisi açıldı (FOTO)
Опубликовано:
Moskva şeerinde Qırım ve Sevastopol şeeri müsulmanları Diniy idaresiniñ "AVN-Tur" hacılıq-operatorınıñ ofisi açıldı. Açıluv merasiminde Qırım Müftisiniñ muavini Ayder İsmailov, QMDİ Hacılıqnıñ teşkil etilüvi bölüginiñ reberi Artur Reşitov, İslâm biznesi Halqara birleşmesiniñ Prezidenti Marat Kabayev, Moskvadaki qırımtatar cemiyetiniñ reisi Edem Ümerov ve azaları Kemal Raşidov, Midat Osmanov, Marlen Abdulminov iştirak ettiler. "AVN-Tur" ofisi Moskva şeeri, Orconikidze soqağı, 11 adresi boyunca yerleşe. Mında Moskva müsulmanları hacılıqnen bağlı olğan meselelerni çeze bileler. Hususan, Saudiya Arabistan Qırallığınıñ elçiliginde vizalarnıñ resmiyleştirilüvi sualleri ve ilâh. Ayder İsmailov Qırım Müftisiniñ adından musafirlerni ofisniñ açılması ile hayırlap, işlerinde muvafaqiyetler tiledi. Qırım Müftisiniñ muavini qayd etkenine köre, Qırım ve Sevastopol şeeri müsulmanları Diniy idaresi içün, bu ofisniñ Rusiye merkez şeerinde açıluvı – müim bir adımdır. Ayder İsmailov: "Moskvada Qırım hacılıq-operatorı elâl turizm, Qırımğa müsulman turistleriniñ celp etilüvi, yañı turistik marşrutlarnıñ quruluvı ile oğraşacaq. Bundan da ğayrı, hacılarnıñ Muqaddes topraqlarğa yol alması suallerini çezecek", - dep ayttı, ve Qırım ve Sevastopol müsulmanları Diniy idaresi, Rusiye hacılıq-missiyasınıñ azası olaraq hacılıq turlarını mustaqil tarzda teşkil ete bilecegini ilâve etti. Qırım Müftisiniñ muavini ofisniñ açılmasında destek köstergen Qırım başı Sergey Aksönovğa, İslâm biznesi Halqara birleşmesiniñ Prezidenti Marat Kabayevge, Moskvada qırımtatar cemiyetiniñ azalarına teşekkürler bildirdi. QMDİ matbuat hızmeti [gallery link="file" columns="4" size="medium" ids="15937,15935,15933,15931,15929"]