Haberler
Qırım Müftisi Qarasuvbazardaki vandallıq areketlerine menfiy qıymet kesti (FOTO)
Опубликовано:
Qırım Müftisi hacı Emirali Ablayev Qasasuvbazarnıñ merkeziy camisinde olıp keçken vandallıq areketlerine eñ yüksek derecedeki menfiy qıymet kesti. Mında iyünniñ 18-19-na bağlağan gece caminiñ qorasında svastika resimi ve küfür sözler yazıldı. Müfti: "Müsulmanlar kendi camilerine muqaytlıqnen davranalar, bu kibi areketlerni cemiyette stabillikni bozmaq içün yapılğan provokatsiya, dep adlandırmaq mümkün. Soñki dört yıl devamında bu kibi provokatsiyalar yapılmadı. Devamlı sükünetten soñ bizni kene milletler ve dinlerara çatışması vaqıtına qaytarmaq isteyler. Bazı küçler Qırımdaki stabillikni bozmaq niyetindedir ve maqsadına yetmek içün, atta alçaq, pis yollarnı qullana. Amma yarımada sakinleri ikmet kösterip, bu kibi provokatsiyalarğa yol bermezler. Biz kendi milliy ve diniy qıymetlerimizni qorçalamağa niyetindemiz. Uquqqoruyıcı organlarğa muracaat etip, taqiqat işlerini yüksek seviyede keçirmege rica etemiz, qabaatlılar yaqın zamanda tapılıp, cezalandırılmalı", dep ayttı. QMDİ matbuat hızmeti [gallery link="file" columns="4" size="medium" ids="17248"]
“Faydalı yaz” devam ete! (FOTO)
Опубликовано:
Qırım ve Sevastopol şeeri müsulmanları Diniy İdaresiniñ "Faydalı ilim" medeniy-maarif Merkeziniñ talebeleri oquv yılını yekünlep, sertifikatlar aldı. Bir yıl devamında 60-tan ziyade qadın Quran oquvı ve İslâm dini kurslarına qatnadı. Bugünki künge qadar olar Quran-ı Kerim oquvı, ibadet ve Peyğamberimizniñ (s.a.s.) sunneti aqqındaki bilgilerni menimsediler. Yaz mevsimi devamında dersler er bazar künü saat 10:00 - 13:00 ötkerilecek. İstegenler yaz ayları devamında da Qurannı oqumağa ögrenebile. "Faydalı yaz" gruppası avgustnıñ soñuna qadar çalışacaq. QMDİ matbuat hızmeti [gallery link="file" columns="4" size="medium" ids="17244,17242,17240,17238,17236"]
Süyürtaş köyünde Oraza bayramı (FOTO)
Опубликовано:
Bağçasaray rayonınıñ Süyürtaş köyünde Oraza bayramı olıp keçti. Yağmurlı avağa baqmadan, bayramğa 100 insan qoşuldı. Qırım Müftisi ve Qırım müsulmanları Diniy İdaresi adından toplanğanlarnı Qırım Müftisiniñ muavini Ayder İsmailov hayırladı. "Yüce Rabbimiz dualarımız ve Ramazan ayı devamında yapqan hayır işlerimizni qabul etsin. Milletimiz dinge sarılğanını körmek pek hoş. Camige kelgen balalarnı körmege pek memnünmiz. Al-azırda Qırım boyunca camilerimiz açıla ve çalışa. Dinimizge sarılğan, Peyğamberimizniñ (s.a.s.) yolundan ketken, bugünki künge qadar yetmegen keçmişimizni ürmet etken yaşlarnıñ sayısı ep artmaqta. Milletimizniñ kelecegi bizim qollarımızda. Ve biz seçken yoldan bizim balalarımız de ketecek", - dep ayttı Ayder İsmailov. Bundan da ğayrı, o, bayram teşkilâtçılarına bayramnı teşkil etkenleri içün teşekkürler bildirdi. Bayram çerçivesinde balalar içün diniy mevzuğa viktorina keçirildi, Qırım müsulmanları Diniy İdaresiniñ "Emanet" icadiy bala studiyasınıñ iştirakçileri ilâhiler ile çıqışta bulundı. Cami ögündeki meydanda şişirme bayırçıq qoyuldı. Yağmur bitkeninen teşkilâtçılar musafirler içün tatlı sofralar donattılar. Bayramnıñ soñunda avağa yüzlernen ava topları yiberildi. QMDİ matbuat hızmeti [gallery link="file" columns="4" size="medium" ids="17225,17223,17221,17219,17217,17215,17213,17127,17124,17122,17120,17118,17116,17114,17112,17110,17108,17106,17104,17102,17100,17098,17096,17094,17092,17090,17088,17086,17084,17082,17080,17078,17076,17074,17072,17070,17068,17066"]
Qırım müsulmanları üç kün devamında Oraza bayramını qayd ettiler (FOTO)
Опубликовано:
Qırım müsulmanları kütleviy şekilde eñ büyük musulman bayramlarından biri olğan Oraza bayramını qayd ettiler. Tantanalı tedbirler Qırımnıñ farqlı köşelerinde olıp keçti. Hususan, büyük balalar içün bayram Bağçasaraydaki Orta camide ötkerildi. Teşkilâtçılar balalar ve ana-babalar içün meraqlı programma azırladılar: viktorinalar, kvestler, sport yarışları, küreş, armresling, attraktsionlar, batut ve hna qoyuv resimleri. Balalar bahşışlarnı aldılar. Bağçasaray rayonınıñ imamı Ramazan Asanovnıñ sözlerine köre, eñ esası yaş nesilge maneviy qıymetlerni, milletniñ urf adetlerini ve İslâm dinine sevgi aşlamaqtır. "Qırım Müftiligi, bizim din cemiyetimiz ve hayır-sadaqa bergenlerge teşkiliy meselelerde destek köstergenleri içün, büyük teşekkürler bildiremiz", - dep ayttı Ramazan Asanov. Bayramda 150 insan iştirak etti. Adet üzre, musafirlerni tatlı bahşişlar ve ziyafetler beklegen edi. Saq şeeri camisinde keçirilgen bayramğa da çoq insan qoşuldı. Teşkilâtçılar balalarğa bilgi viktorinasını azırladı. Onıñ şartlarına köre, balalar şiiriy şekilde diniy tapmacalarğa cevap tapqan edi. Animatorlarnen birlikte balalar qırımtatar tilinde yırlarnı ögrendiler, yırladılar, şiirler ayttılar. Musafirler içün bayram sofrası donatıldı. Saq şeeriniñ imamı Mesfer Settarov Qırım MDİ, yerli din cemiyeti ve şeer memuriyetine bayramnıñ teşkil etilmesinde salmaqlı isseleri içün teşekkürler bildirdi. Bayram tedbirleri İslâm-Terek, Seitler, Aqşeyh ve Aqmescit rayonlarında olıp keçti. Oraza bayramı – müsulman taqviminiñ baş bayramlarından biri olıp, muqaddes Ramazan ayınıñ yekünlengenini temsil ete. Bu sene bayram iyün 15 künü başlandı. QMDİ matbuat hızmeti [gallery link="file" columns="4" size="medium" ids="17058,17056,17054,17052,17050,17048,17046,17044,17042,17031,17029,17027,17025"]
Qırım Müftisi hacı Emirali Ablayev bayram namazını keçirdi (FOTO)
Опубликовано:
Bugün, iyünni 15-nde, saba saat 05:31 bütün Qırım camilerinde Ramazan ayınıñ soñu ve Oraza bayramı kelgenine bağışlanğan bayram namazı ötkerildi. Bayram namazını Qırım Müftisi hacı Emirali Ablayev keçirdi. Kütleviy namaz medeniyet ve zenaat birligi Sarayınıñ zalında olıp keçti. Qırımnıñ çeşit köşelerinden kelgen 2 biñden ziyade insan Aqmescitte toplaştı. Yarımadanıñ uzaq rayonlarında yaşağanlar bayram namazına kelmege yetiştirmek içün, saba erte turıp, yolğa çıqtılar. Qırım Müftisi hacı Emirali Ablayev müsulmanlarnı büyük bayramnen hayırlap, barışıq, tınçlıq ve qorantalarda amanlıq olmasını tiledi. "Bu birlik bayramı, can ağırtıları unutılsın, araları bozuq olğanları barışsın, ayırılıqta olğanları qavuşsın, qartlarımız diqqatsız qalmasın, öksüzler bizim destegimizni duysınlar", - dep ayttı Müfti. Bayram namazı Qırımnıñ bütün camilerinde olıp keçti. Müsulmanlar Oraza bayramını üç kün devamında qayd etecekler. Bu künleri soy-soplar ve hasta olğan yaqınlarımıznı ziyaret etmek, balalarğa tatlı bahşışlar yapmaq kerektir. Malümat: İd Al-Fitr (qrt. Oraza bayramı) – müsulmanlarnıñ eñ müim bayramlarından biridir (Qurban bayramınen bir sırada). Oraza bayramını qayd etmek adeti Muhammed Peyğaberniñ (s.a.s) zamanında başlana (624 s.). Oraza bayramında afu soramaq, ana-babalarnı ziyaret etmek, sadaqa ya da bahşişlarnı ediye etmek, mezarlıqlarğa barıp, vefat etken soy-soplarnı ziyaret etmek kerektir. Adet üzre Oraza bayramı üç kün qayd etilmekte, bu sene bayram iyün 15-17 künleri olacaqtır. Yarımada ealisiniñ aman-aman 20% İslâm dinini küte. QMDİ matbuat hızmeti [gallery link="file" columns="4" size="medium" ids="17011,17009,17007,17005,17003,17001,16999,16997,16995,16993,16991,16989,16987,16985,16983,16981,16979,16977,16975,16973,16971,16969,16967,16965,16963,16961,16959,16957,16955,16953,16951,16949,16947,16945,16943,16941,16939,16937,16935,16933,16931,16929,16927,16925,16923,16921,16919"]
Qırımda eñ güzel Quran oquyıcısı saylandı (FOTO)
Опубликовано:
Aqmescitniñ merkeziy Kebir camisinde Bütünqırım Quran oquyıcısı yarışınıñ finalı olıp keçti. Yarışta yaşları 45-ten üyken olğan qadın ve erkişiler iştirak etti. Tedbir teşkilâtçıları Qırım ve Sevastopol şeeri müsulmanları Diniy idaresi ve AVN-tur (QMDİ) hacılıq-operatorıdır. Umumen, yarışta Qırımnıñ farqlı köşelerinden kelgen 60 insan iştirak etti. İştirakçiler yaşağan rayonlarda saylav turlarından keçip, finalğa çıqtılar. Jüri terkibine Qırım müsulmanları Diniy idaresiniñ hadimleri, imamlar, İslâm temelleri ocaları, Qalay İslâm ilimleri medresesiniñ ocaları kirdi. Yarış qaideleri – doğru oquv ve maqam, tecvid (Qurannıñ asıl manasını añlamağa yardım etken doğru oquvdır). Yarışnıñ neticesinde ğalebeni Bağçasaraydan kelgen Eldar Asanov qazandı. Qurannı oquğanda, Eldar Asanov bir qata bile keçirmedi. Onıñ sözlerine köre, tecvid qaideleri boyunca Quran oqumağa o üç yıl ögrendi. Kendi bilgilerini insanlarğa köstermege arz ete edi. Eldar Asanov yarışnıñ baş bahşişı hacılıqqa bedava yolculıqnı aldı. "Vetandaşlarım meni Quran oqumağa davet eteler. Quran oquğanda yüregim Allahqa sevgi ile tola. Hacılıqqa barmaq ve Muqaddes topraqlarnı körmek arzum yerine kelecek, inşAllah. Men bahtlım", - dep Eldar Asanov teessüratlarınen paylaştı. Ğalip ve iştirakçilerni Qırım Müftisi hacı Emirali Ablayev hayırladı. O, millet dinni ögrengeniniñ müimligini qayd etti. "Maqsadkârlığıñız, ğayretiñiz, kelecek nesillerge doğru yolnı köstergeniñiz içün, çoq sağ oluñız. Tasil ve diniy bilgiler – yüksek ahlâqlı milletniñ ayırılmaz qısmıdır. Bu diniy tiklenüv – büyük kelecekke bir adımdır", - dep ayttı Qırım Müftisi. Qırım müsulmanlarınıñ diniy lideri iştirakçilerge diplomlar ve Muqaddes Quran kitaplarını berdi, birinci üç yerni alğanları ise qıymetli bahşişlarğa nail oldılar. QMDİ matbuat hızmeti [gallery link="file" columns="4" size="medium" ids="16799,16797,16795,16793,16791,16789,16787,16785,16783,16781,16779,16777,16775,16773,16771,16769,16767,16765,16763,16761,16759,16757,16755,16753,16751,16749,16747,16745,16743,16741,16739,16737"]
Aqmescitte QMDİ Yuqarı Şurasınıñ toplaşuvı olıp keçti (FOTO)
Опубликовано:
2018 senesi sentâbr 10 künü Aqmescitte Qırım Müftisi hacı Emirali Ablayevniñ yolbaşçılığında Qırım ve Sevastopol şeeri müsulmanları Diniy İdaresi Yuqarı Şurasınıñ toplaşuvı olıp keçti. Muşavere çerçivesinde Şura azaları regional toplaşuvlarnıñ neticelerini muzakere ettiler. Mında yerli din cemiyetlerinden Qırım müsulmanları Qurultayına namzetler seçilip alındı. Bundan ğayrı, VI Qırım müsulmanları Qurultayınıñ teşkiliy sualleri muzakere etildi. Qurultayda Qırımnıñ er bir regionından 300-den ziyade namzet iştirak etecek. Hatırlatamız, esabat-saylav Qurultayı 2018 senesi oktâbrniñ 27-de Aqmescitte keçirilecek. Şuranıñ torplaşuvı devamında Qurban bayramında keçirilgen tedbirlerniñ neticeleri – hususan, dualar, qurban çalınuvı, muhtac olğan insanlarğa qurban etiniñ dağıtıluvı – çıqarıldı… Umumen, Diniy İdare, Qırım boyunca 43-ten ziyade bala bayramını ve farqlı tedbirlerni teşkil etti. Mezkür tedbirlerde ölgenlerniñ hatırası añıldı ve musafirlerge çeşit lezzetli yemekler ikram etildi. QMDİ matbuat hızmeti [gallery link="file" columns="4" size="medium" ids="20493,20491,20489,20487,20485,20483,20499,20497,20495"]
Qurannıñ eñ eyi oquyıcısı yarışınıñ finalı yaqınlaşa (FOTO)
Опубликовано:
Krasnoperekopsk şeerinde Qurannıñ eñ güzel oquyıcısı yarışınıñ saylav turı olıp keçti. Tedbirde rayon ve şeer sakinleri arasında 9 erkek ve 10 qadın iştirak etti. Yarışnıñ neticesinde finalğa altı insan keçti. Olar Quran oquyıcıları Bütünqırım yarışında iştirak etecekler. Final iyün 10 künü Aqmescitniñ merkeziy Kebir camisinde ötkerilecek. Hatırlatamız, Qırım ve Sevastopol şeeri müsulmanları Diniy İdaresi Qurannı alâ seviyede oquğanları arasında Bütünqırım yarışını keçire. Yarışta yaşları 45 yaşından üyken olğan erkekler ve qadınlar iştirak ete bileler. Yarışta iştirak etmek istegenler iyün 9 kününe qadar yaşağan yeriniñ imamına muracaat ete bileler. Finalistler qıymetli bahşişlar alacaq, baş bahşiş – hacılıqqa bedava yolculıqtır. QMDİ matbuat hızmeti [gallery link="file" columns="4" size="medium" ids="16600,16598,16596,16594,16592,16590,16588,16586,16584,16582,16580,16578,16576,16574,16572"]
İslâm esasları ocaları – Qırımnıñ maneviy kelecegidir! (FOTO)
Опубликовано:
Azov (Qalay) İslâm ilimleri medresesiniñ qadınlar bölüginde mezunlar bayramı olıp keçti. Mezunlarnı hayırlamaq içün bayramğa studentlerniñ soy-sopları ve yaqınları keldi. Olarnıñ episi diplomlarnı alıp, kendi regionında İslâm dininden ders berecektir. Tedbir çerçivesinde yılnıñ neticeleri çıqarıldı, mezunlar öz bilgi ve becerikliklerini kösterdiler. Mezunlarnı Azov medresesiniñ başı Emir-Asan Ümerov hayırladı. O, bilgi insan şekillenmesinde pek müim olğanını qayd etti ki. "Diniy tasil pek müimdir, çünki maneviy tasil – milletimiz ve Qırımnıñ sağlam, ahlâqiy kelecegidir. Bu milletimiz içün pek müim bir vaqia, çünki yarımadada daa 12 diniy tasil ocağı açıldı", - dep ayttı Emir-Asan Ümerov. Tedbir çerçivesinde naşid ve ilâhiler yañğıradı, mezunlar şiirler oqudılar, bayram iştirakçileri ögünde kontsert programmını kösterdiler. Adet üzre, er bir mezun bilgi tacını aldı, demek, medrese mezunı alğan bilgilerine köre yaşap, olarnı darqatmaq kerek olğanını temsil ete. Tedbirde ana-baba ve ocalar çıqışta bulunıp, ögütler berdiler, studentler ise öz sağlıqlaşuv sözlerini ayttılar. QMDİ matbuat hızmeti [gallery link="file" columns="4" size="medium" ids="16542,16540,16538,16536,16534,16532,16530,16528,16526,16524,16522"]
Qırım Müftiligi küçük sportsmenlerni hayırladı (FOTO)
Опубликовано:
Qırımnıñ Saq rayonınıñ Çotay köyünde gençler ve qızlar arasında Halqara balalar kününe bağışlanıp, dzüdo sport çeşiti boyunca küreş ötkerildi. Tedbirde 9 taqım iştirak etti. Bu Canköy, Seitler qasabası, Aqmeçit rayonı, Aqmescit şeeri ve Aqmescit rayonı, Saq şeeri ve Saq rayonından kelgen balalardır. Umumen, 23-65 kilo çekimi kategoriyasında 135 qız ve oğlan iştirak etti. Tantanalı taqdirlev merasiminde turnir ğalipleri ve iştirakçilerini Kezlev ve Saq rayonınıñ imamı Eskender Memetov ve imamnıñ yardımcısı Nariman Mamedaliyev hayırladı. Eskender Memetov sportsmenler ve yarış iştirakçilerine Qırım Müftisi ve Qırım müsulmanları Diniy İdaresi adından selâmlar ayttı. Olarğa qaviy sağlıq, maqsadına irişmek içün daa çoq ğayret köstermege tiledi. Balalarğa şeadetnameler, medaller ve hatıra kitapları berildi. Bundan da ğayrı, müsulman sportçılarnı Ramazan ayı munasebetinen hayırladılar. QMDİ matbuat hızmeti [gallery link="file" columns="4" size="medium" ids="16565,16563,16561,16559,16557,16555,16553,16551,16549,16547"]
Yañı imamlar – musulman Qırımınıñ yañı kelecegidir (FOTO)
Опубликовано:
Qırım müsulmanları Diniy idaresi erkânında faaliyet Qalay İslâm ilimleri medresesiniñ erkekler bölüginde mezunlar bayramı ötkerildi. Medreseniñ tasil programmasını 10 yigit yekünledi. Olar tolu (orta) umumiy tasil aqqında şeadetname ve İslâm derslerini keçirmege aqqını bergen diplomnı aldılar. Programma boyunca mezunlar ilâhilerni icra ettiler ve Qırımnıñ birinci Müftisi Noman Çelebicihannıñ şiirlerini oqudılar. Bu munasebet ile Mezunlarnı Qırım Müftisiniñ muavini Esadullah Bairov hayırladı. Öz sözlerinde o medreseniñ ğayrıdan tiklenüvi tarihını hatırlattı. "Bir vaqıtları mında çöller bar edi, amma Qırım müsulmanları Diniy İdaresiniñ ğayreti ile artıq 20 yıl devamında biz İslâm dini ocalarını terbiyeleymiz", - dep ayttı Esadullah Bairov. Bundan da ğayrı, o, mezunlar ileride milletimizge fayda ketirecegine ümütini bildirdi. "Ümüt etemiz ki, kelecekte siz ilimlerni ögrenmek ve milletimizge İslâmnı yetiştirmek kibi maqsadlarıñızğa irişecesiñiz", - dep ayttı o. Qırım Müftisiniñ muavini mezunlarnıñ ana-babalarına sabırları ve balalarına aşlağan maqsadkârlığı içün teşekkürler bildirdi ve ocalarnıñ bu saada büyük işlerini qayd etti. Mezunlarnı medreseniñ direktorı Emir-Asan Ümerov da hayırladı. Hayırlav sözlerinde o İslâm dini bilgileriniñ müimligini ayrıca qayd etti. "Diniy temelde maarif – siziñ ömüriñizde birinci ve müim bir adımdır. Diniy bilgiler ve İslâmğa nisbeten ürmet – dünyanıñ ögrenüvinde müim adımıñızdır", - dep ayttı Emir-Asan Ümerov. Ve qoştı ki, qırımtatar milletiniñ inkişaf devirleri aynı tasilden başlana. Mezunlar bayramına studentlerniñ ana-babaları, soy-sopları ve dostları qoşuldı. Kelecekte mezunlarnı Qırım camilerinde bir yıllıq ameliyat bekley, soñra ise olar aliy oquv yurtlarında tasil almaqnı devam etecekler. Mezunlarnıñ sözlerine köre, olar Qırımda yaşamağa ve inkişaf etmege niyetindeler. QMDİ matbuat hızmeti [gallery link="file" columns="4" size="medium" ids="16513,16511,16509,16507,16505,16503,16501,16499,16497,16495,16493,16491,16489,16487,16485,16483,16481,16479,16477"]
Qırım Müftiligi mini-futbol turnirinde ekinci yer qazandı (FOTO)
Опубликовано:
Qırım müsulmanları Diniy İdaresiniñ hadimleri şeerde faaliyet köstergen diniy teşkilâtlar arasında keçirilgen mini-futbol çempionatında iştirak etti. Turnir Aqmescitte balalar parkındaki sport meydanında olıp keçti. Tedbir dinlerara munasebetlerni qaviyleştirmek ve sağlam ömür tarzına celp etmek maqsadınen Aqmescitniñ 234-yıllığınıñ qayd etilüvi çerçivesinde olıp keçti. Yarışta dört taqım - Aqmescit ve Qırım Yeparhiyasınıñ hadimleri, Qırım ve Sevastopol şeeri müsulmanları Diniy İdaresiniñ "Müftilik" taqımı, Yedi Künniñ Adventistleri Kilsesiniñ "Adventa" taqımı, Qırımnıñ yehudiy birliginiñ "Makkabi" taqımı - iştirak etti. Yedi matçtan soñ Müftilikniñ taqımı finalğa çıqtı, mında ise tek yunan-katolik taqımınen yarışıp, ekinci yer aldılar. "Müftilik" taqımınıñ idmancısı Raim Ğafarovnıñ qayd etkenine köre, raqipler pek küçlü edi. O, er keske oyun içün teşekkür bildirdi ve dinlerara yarışlar adetke çevirilgenini bildirdi. İlk kere yarış 2017 senesi keçirildi. O bir sefer Qırım müsulmanları Diniy İdaresi ğalip olıp çıqqan edi QMDİ matbuat hızmeti [gallery link="file" columns="4" size="medium" ids="16432,16430,16428,16426,16424,16422,16420,16418,16416,16414,16412,16410,16408,16406,16404,16402,16400,16398,16396,16394,16392,16390,16388,16386,16384,16382,16380,16378,16376,16374,16372,16370,16368,16366,16364,16362"]