Haberler
Qırımda “Çoqbalalı qoranta – Qırımnıñ kelecegidir!” adlı aktsiya başlandı
Опубликовано:
Qırım ve Sevastopol ş. musulmanlarınıñ Diniy İdaresi terkibindeki "Büllür" musulman qadınlarınıñ Cemaat Birleşmesi "Çoqbalalı qoranta – Qırımnıñ kelecegidir!" adlı aktsiyanı başladı. Leyhanıñ maqsadı – muhtac olğan çoqbalalı qırımtatar ailelerge destek köstermektir. "Büllür" Birleşmesiniñ idare azası Niyara Canbazova bildirgenine köre, çoqbalalı musulman ailelerine maddiy ve sotsial yardım kösterilecek. Ayrıca, Niyara hanım: "Regional din cemiyetleriniñ iştiragi ile monitoring keçirecekmiz ve çoqbalalı aileler Qırımnıñ angi yerinde, nasıl şaraitte yaşağanlarını, nasıl yardımğa muhtac olğanını bilip, olarğa çeşit şekilde yardım etecek pervasız olmağan adamlarnı toplaycaqmız. Bazı qorantada daimiy maaş yoq, bazılarınıñ ev şaraiti de eyi degil. Bu soy qorantalarnıñ çoqusı — ibadetli musulmanlardır. Ve dünyağa kelgen er evlât – Allahnıñ ediyesi olaraq qabul etile. Şu sebepten iç bir kimsege muracaat etmeyler, muhtac olğanlarını da bildirmekten çekineler. Böyle qorantalarğa destek köstermeli, çünki çoqbalalı olmaq – qırımtatar halqı çoqlaşmasınıñ küçlü imkânıdır. Qorantada İslâm esaslarını aşlamaq ise — sağlam cemiyetniñ temelidir", – dep qayd etti. Mezkür aktsiya aqqındaki malümat Facebook, VKontakte, Odnoklassniki içtimaiy ağlarda yerleştirilgen. QMDİ MDT matbuat - merkezi
Büyükler ve küçükler içün ingliz tili
Опубликовано:
Diqqat! Qırım ve Sevastopol ş. müsülmanlarınıñ Diniy İdaresi yanında faaliyet köstergen "Faydalı ilim" merkezinde büyükler ve küçükler içün ingliz tili dersleri başlana. Üykenlerniñ ögretüv usulı meşur poliglotlarnıñ metodikasına esaslanacaq. Balalar ise tilni oyun tarzında ögrenecek. Dersler 2017 s. sentâbrniñ 9-dan itibaren, er cumaertesi künü saat 9-da başlanacaq. Adres: Aqmescit ş., Pobeda caddesi, 128-ci bina. Yazılmaq içün telefon nomerası: + 7 (978) 1430507. QMDİ MDT matbuat-merkezi.
Qırım müsülmanlarıınıñ nevbetteki qısımı hacılıqqa yol aldı (FOTO)
Опубликовано:
Avgustnıñ 22-de saba saat 6-da Qırımdan hacılıqqa 42 adamdan ibaret olğan endi dörtünci gruppa yolğa çıqtı. Bu qısım hacılarnıñ reberi – Pervomayskoye (Cürçi) rayonınıñ "Cürçi" din cemiyetiniñ reisi Vaid Bilâlovdır. Onıñ bildirgenine köre, hacılar Mineralnıye vodı ava limanında enip, Dubaige (BAE) uçacaqlar. Ondan soñ ise komfortlı avtobuslar ile Mekkege yöñeycekler. Hacılarnıñ sonki qısmı avgustnıñ 23-de ketecek. 33 insandan teşkil etilgen işbu gruppa ekige bölünip, Aqmescitten Rostov şeerine, ondan – İstanbulğa, soñra ise – Ciddağa yol alacaqlar. Hatırlatamız ki, biraz evel Qırımdan, musulmanlar içün muqaddes sayılğan topraqlarnı ziyaret etmek maqsadınen 116 adamdan ibaret olğan hacılarnıñ eñ büyük qısımı çıqtı. Olar da Mekkege seferini Mineralnıye vodı ava limanından başlaycaq. Gruppadaki hacılarğa Qırım ve Sevastopol ş. müsülmanları Diniy İdaresiniñ hadimleri reberlik yapacaq. Umumen alğanda, bu yıl hacılıqqa barmaq imkânına 370-ge qadar Qırım müsülmanları nail oldı. QMDİ MDT matbuat-hızmeti [gallery link="file" columns="4" size="medium" ids="7456,7454,7452,7450,7448,7446,7444,7442,7440,7438,7436,7434,7432,7430,7428,7426,7424"]
Qalay medresesi öz qapılarını aça
Опубликовано:
İslâm ilimleri boyunca Qalay medresesinde birinci kurs talebeleri içün dersler ötkerilip başlandı. Sentâbrniñ 1-ne qadar gençler arap elifbesini ögrenecekler, İslâm esasları ve başqa fenlernen tanış olacaqlar. Bundan da ğayrı, ocalarnen körüşip, din mevzusında subetlerge qatılacaqlar. Medrese müdiri Emir-Asan Ümerovnıñ bildirgenine köre, derslerge 9-ncı sınıf mezunları da qoşulmaq mümkün. Qabul etüv kampaniyası devam ete. "Bugünki künde medresege 16 bala oqumağa kirdi. 9 qız ve 7 oğlan diniy tasil alacaqlar. Vesiqalarnı qabul etmege devam etemiz", - dedi Emir-Asan Ümerov. Medresede oquv 3 yıl devam ete. Mezunlar em diniy, em lâdiniy fenlerni ögreneler ve 2 diplom alalar. Oquvğa 9-ncı ve 11-nci sınıflarnı bitirgen oğlan balalar ve qızlar davet etileler. Malümat içün telefon: +79780490931, +79780490932 QMDİ MDT matbuat hızmeti
Qırım müsülmanları dindaşlarnı Hacılıqqa ozğardılar (FOTO)
Опубликовано:
Avgustnıñ 14-nde Qırım müsülmanlarınıñ birinci gruppa vekilleri Mekke ve Medineniñ muqaddes yerlerine yol aldılar. Hacılıq seferine episi olıp 64 adam çıqtı. Olarnı Qırım Müftiyatı hadimleri, soydaşları, yaqınları ozğardılar. Qırım Müftisiniñ muavini Ayder İsmailov yolcularğa muvafaqiyetler tiledi. "Allah dualarıñıznı qabul etsin, qaza-belâdan saqlasın. Seferni aman-esen keçirip, eviñizge ter-temiz, günâhsız qaytmaqnı tileyim. Menim sizge bir ricam bar:biri-biriñizge yardım etip, Vatan, millet ve dindaşlarımız içün dua etiñiz. Oğurlı yollar olsun", - dedi Ayder İsmailov. Yolcular Aqmescitten Krasnodarğa qadar avtobuslarnen baracaqlar, ondan soñ, Dubaige barıp çıqacaqlar. BAE kene de avtobuslarğa minip, başta bir Medinege, soñra Mekkege Hacılıq ibadetini yerine ketirmek içün ketecekler. Qırım müsülmanlarınen beraber Qırım Müftiyatınıñ hadimleri bulunalar. Bu aynıñ soñuna qadar daa 4 gruppa Hacılıqqa yol alacaq. Umumen alğanda, bu yıl Qırım Cumhuriyetinden 370 adam muqaddes yerlerni ziyaret etecek. Hacılıq– Mekke ve Medinede Muhammed Peyğamberimizniñ (s.a.v) ayatınen bağlı aziz yerlerniñ ziyaretinen bağlı bir ibadettir. Müsülman olğan er kes ömürinde iç olmadı bir kere Hacılıqqa barmaq kerek. QMDİ MDT matbuat hızmeti [gallery link="file" columns="4" size="medium" ids="7397,7395,7393,7391,7389,7387,7385,7383,7381,7379,7377,7375,7373,7371,7369"]
Qadır Camisinde yazlıq meydançığı öz işini yekünledi (FOTO)
Опубликовано:
Aqmescit civarındaki Levadki köyünde yerleşken Qadır Camisinde balalar içün çalışqan «Çoqraq» adlı yazlıq meydançığı öz işini yekünledi. Bu camide lager birinci kere teşkil etiledi. Onıñ işinde 5 yaşından 15 yaşına qadar 25 bala iştirak etti. Er ders meraqlı oyun şekilinde ötkerildi. Bir ay içinde balalar arap elifbesini ezberlediler, ecalarnı oqup başladılar ve bir qaç surenen dua ögrendiler. Bunıñnen beraber, İslâm edebiniñ esas qaidelerinen tanış oldılar. Dersler açıq avada da keçirildi. Olarnıñ devamında balalarğa meraqlı master-klass kösterilip, tatlı sofralar donatıla edi. «Büllür» qadın –qızlar teşkilâtı, QMDİ MDT «FAydalı ilim» leyihasınıñ ocalarına, ana-baba ve balalarğa sarf etken emekleri, ğayret ve istekleri içün büyükten-büyük teşekkürler bildire. Yazlıq lageriniñ işi bitkeni munasebetinen bayram tedbiri ötkerildi, kiçik talebelerge sertifikat ve bahşışlar berildi. Sentâbr ayından başlap camide Quran oquvı ve İslâm esasları boyunca Kurslar açılacaq. QMDİ MDT matbuat hızmeti [gallery link="file" columns="4" size="medium" ids="7358,7356,7354,7352,7350,7348,7346,7344,7342,7340"]
Qırım Müftisi Cuma Cami qurucılarını zenaat bayramınen hayırladı (FOTO)
Опубликовано:
Qırım Müftisi hacı Emirali Ablayev Aqmescitte Cuma Cami qurucılarını keleyatqan zenaat bayramınen hayırladı. Qırım müsülmanları Diniy İdaresi adından qurucılıq şirketiniñ reberleri, qurucılıqta iştirak etken şirketlerniñ hadimlerine sağlıq, amanlıq ve muvafaqiyetler tiledi. "Biz sizni sevemiz, ürmet etemiz ve qadriñizge yetemiz. Sizniñ işiñiz ne qadar qıyın ve omuzlarıñızğa tüşken mesüliet ne qadar büyük olğanını añlaymız. Cuma Camini qurıp bitirmek içün qolumızdan kelgenini yapmalımız. Allah küç-taqat bersin", - dedi Müfti. Qırım Müftisi qurucılıqnıñ ketişatınen tanış oldı. Şimdiki vaqıtta cami binası qurulayata. "MoskapStroy" tehnikiy nezaret boyunca baş mütehassıs Viktor Tilik bildirgeni kibi, bugünki künde qubbeler tirilecek divar, şahta ve kolonnalar boyunca iş alıp barıla. Bundan da ğayrı, memuriyet binasından temizleyici inşaatlarına qadar kanalizatsion boruları yerleştirile. Memuriyet binasınıñ birinci qatında divarlar qurula ve başqa işler yapıla. "Qurucılıqta 132 adam iştirak ete. Ve bu cümleden, eki kran, gidromolot, ekskavatorlar ve üç samosval çalışa", - dedi V. Tilik. Eñ yaqın vaqıtta qubeller: biri büyük, dört dane orta kölemde, 28 kiçik ve daa 24 qubbe caminiñ azbarında tiklenecek. Cuma caminiñ inşaatı iş cedveline köre alıp barıla. QMDİ MDT matbuat hızmeti [gallery link="file" columns="4" size="medium" ids="7336,7334,7332,7330,7328,7326,7324,7322,7320,7317,7315,7313,7311,7309,7307,7305,7303,7301,7299,7297,7295,7293,7291,7289,7287,7285,7283,7281,7279,7277"]
Aqmescitte Qırımdan Acılıqqa baracaq müsülmanlar içün seminar teşkil etilecek
Опубликовано:
Avgustnıñ 10-nda Aqmescitniñ merkeziy Kebir camisinde Qırımdan Acılıqqa baracaq müsülmanlar içün seminar ötkerilecek. Bu kibi tedbir er yıl teşkil etile. Toplaşqanlarğa İslâmnıñ farzlarından biri – Acılıq aqqında malümat berilecek, bunıñnen beraber, seferniñ bütün hususiyetleri Acılıqnıñ manası, sevabı ve bu ibadetniñ yerine ketirilüv adeti tavsilâtlı şekilde añlatılacaq. Bu cümleden, tibbiyet hadimleri öz tevsiyelerinen paylaşacaqlar, AVN-TUR turistik şirketiniñ vekilleri yolculıq programmasınen tanış etecekler. Bugünki künde Qırım Müftiyatı tarafından 400 ariza qabul etildi. Vesiqalar ep qabul etile, amma, muqaddes yolğa çıqacaq müsülmannıñ çetel pasportı azır olmalı. Qırım müsülmanlarınıñ birinci gruppası avgustnıñ 14-nde yolğa çıqacaq. Seminar Aqmescit ş., Kurçatov soq.,4 adresi boyunca, saat 9:00-da keçirilecek. QMDİ MDT matbuat hızmeti
Faydalı tatil devam ete! (FOTO)
Опубликовано:
Curçı rayonı Aybar köyünde "Men muvafaqiyetlim!" 2-nci yazlıq lageri öz işini başladı. Lagerni "Halqara İslâm Missiyası" MCT, Qırım Müftiyatı ile yerli "Curçı" din cemiyeti teşkil ettiler. Esas maqsad – yaşlarğa İslâm dini esasında ayat degerliklerini aşlamaq, liderlik qabiliyetlerini inkişaf etmek, nutuq medeniyeti esaslarını añlatmaqtır. Lagerniñ işinde Aybar, Oy-Mamşaq, Çernovo, Devlet Ali, Totman köylerinden 8-11 sınıf talebeleri iştirak eteler. Böyleliknen, 20 bala seminar, interaktiv oyunlar, dersler, kvestlerge qoşulıp, eñ eyi tabiat çizgilerini inkişaf etip, liderlik ve kommunikativ alışqanlıqlarını eyileştirip olurlar. Teşkilâtçılar balalar içün Bağçasarayğa kezinti teşkil etmek niyetindeler. Böyle etip, lager iştirakçilerine Qırımnıñ tarihını añlatıp, dostluq munasebetlerini pekitmege isteyler. QMDİ MDT matbuat hızmeti [gallery link="file" columns="4" size="medium" ids="7143,7141,7139,7137,7135,7133,7131,7129,7127"]
Seyitler rayonı Alikeç köyünde ibadethane açıldı (FOTO)
Опубликовано:
Seyitler rayonı Alikeç köyünde yerli müsülmanlar içün ibadethane açıldı. Endiden soñ, köylüler öz diniy ibadetlerini şu yerde yerine ketirecekler. Bina hayırsever iş adamı tarafından satın alındı. İbadethaneniñ açıluv merasimi tantanalı şekilde olıp keçti. Tedbir duanen başlandı, toplaşqanlar "Yasin" suresini oqudılar, bundan soñ, QMDİ MDT-nıñ din cemiyetleri ile iş alıp barğan bölükniñ reberi Raim Gafarov hayırlav sözlerinen çıqışta bulundı. O, Qırım Müftisi hacı Emirali Ablayev adından köy müsülmanlarını tebriklep, ibadethaneniñ açıluv işine qol tutqan er keske teşekkürler bildirdi. "Arzumız yerine keldi, Vatanımızda yaşaymız, maqsadımız – inkişaf etmek ve diniy mirasımıznı arttırmaqtır", - dedi Raim Gafarov. Merasim devamında faallerge teşekkürname ve qıymetli bahşışlar bağışlandı. İbadethane ise, muqaddes Qurandan ayetler yazılğan panno ile yaraştırıldı. Onı Müftiyat hadimleri yerli cemaatqa ediye ettiler. Merasimden soñ, üyle namazı qılındı. Soñra, er kes tatlı sofra başında toplaştı. Müftiyat vekilleri Seyitler rayonı din cemiyetiniñ reisi Rustem Temirov ile birlikte yerli qabristannı ziyaret ettiler. Yerli imam ve din cemiyetiniñ küçü ve ğayreti sayesinde qabristan sıñırları keñleştirildi. Mında suv keçirildi, cenaze ötkermek içün mahsus yer yapıldı. Qabristanda müsülmanlar merhumlarnıñ ruhuna dua oqudılar. Soñunda, Raim Gafarov Çkalovo köyüniñ mezarlığına barıp, şu yerde ötkerilgen tamir işleriniñ neticelerinen tanış oldı. Bu sevaplı işte iştirak etken müsülmanlarğa da Müftiyat adından teşekkürnameler taqdim etildi QMDİ MDT matbuat hızmeti [gallery link="file" columns="4" size="medium" ids="7125,7123,7121,7119,7117,7115,7113,7111,7109,7107,7105,7103,7101,7099,7097,7095,7093,7091,7089,7087,7085,7083,7081,7079,7077,7075,7073,7071,7069,7067,7065,7063,7061,7059,7057,7055,7053,7051,7049,7047,7045,7043,7041,7039,7037,7035,7033,7031,7029,7027,7025,7023,7021,7019,7017,7015,7013,7011,7009,7007,7005,7003,7001,6999,6997"]
Qırım Müftiyatında RF Devlet Dumasınıñ deputatı imamlarnen körüşti (FOTO)
Опубликовано:
Qırım Müftisi hacı Emirali Ablayev RF DD Deputatı Ruslan Balbeknen birlikte regional imamlar ve rayon diniy cemiyetleri yolbaşçılarınen körüşüv keçirdiler. Toplaşuv devamında Aqmescitteki tarihiy mekân - Qalğa Sultannıñ sarayı yerleşken yerde qanunsız qurucılıq ile bağlı vaziyet muzakere etildi. Qırım Müftisi qurucılıqnı toqtatmaq içün yapılğan iş, bu cümleden, arhiv ekspertizasınıñ ötkerilüvi aqqında ikâye etti. Bundan da ğayrı, arhiv vesiqaları, litografiyalarnı ögrenip, ekspertlerge muracaat etmek teklif etilgenini bildirdi. Ruslan Balbek añlatqanı kibi, alimler şurasınıñ qararına esaslanıp, ileride devlet tarihiy-medeniy ekspertizası ve tedqiqatlar keçirip, şu yerde müzey açmaq mümkün olacaqtır. RF DD deputatı R. Balbek körüşüv devamında Bağçasaraydaki Hanlar sarayında inspektsiya ötkerilgeni ve küzde tamir işleri alıp barılacağanı ayttı, bunıñnen beraber, saray azbarında yañı bağça qurulacağını añlattı. Saray azbarınıñ abadanlaştırıluvı meselesi QMPU-niñ Alimler şurası toplaşuvında baqılacaq. Tarihçı, arheologlar, landşaft dizaynerleri öz tekliflerini bermege azırlar. Esas şart – yañı bağça Qırım Hanlığı devirine ait bağ-bağçacılıq sanatınıñ ananelerine uyğun olmalı. "Hanlar Sarayınıñ abadanlaştırıluvı leyihasına kelgende, Alimler şurasınıñ yardımınen şu yerde Orta asırlarğa ait müitni canlandırmağa tırışacaqmız. Aftanıñ soñuna qadar müzey-qoruq tarafından celp etilgen müelliflerniñ tekliflerine qıymet kesebilecekmiz. Eminim, müzey öz 100 yıllığını Hanlar zamanında kibi dülber ve abadanlı bir sıfatta qarşılar", - dedi Ruslan Balbek. Diniy erbaplar öz nevbetinde rayonlarda yüz bergen tedbirler, vaqialar ve, umumen, yerli müsülmanlarnıñ ayatı aqqında ikâye ettiler. Esas meseleler ise, topraq ile bağlı olğanını añlattılar. Ruslan Balbek bütün problemalarnı nezaret astına almağa vade etti. QMDİ MDT matbuat hızmeti [gallery link="file" columns="4" size="medium" ids="6854,6852,6850,6848,6846,6844,6842,6840,6838,6836,6834,6832,6830,6828,6826,6824"]
Qırım Müftisi rayon imamlarınen iş boyunca körüşti (FOTO)
Опубликовано:
Qırım müsülmanları Diniy İdaresinde rayon imamlarınıñ iştiraginen toplaşuv keçirildi. Diniy erbaplar öz qasaba ve şeerlerinde qarşılaşqan meseleler, eali arasında ötkerilgen maarif işleri aqqında tarif ettiler ve kelecek ayğa planlar belgilediler. Qırım Müftisi hacı Emirali Ablayev imamlarğa yerli akimiyet organları ile işbirlik qurmağa tevsiye etti. Qayd etkeni kibi, bütün meselelerni Müftiyat ve yerli akimiyet ile çezmek kerek. Qırım Müftisi muavini Ayder İsmailov Aqmescitte Qalğa-Sultan sarayı yerleşken tarihiy mekândaki vaziyetni aydınlattı. Şu yerde Müftiyat ve şahsen Müfti efendiniñ küçü ve desteginen qanunsız qurucılıq toqtatıldı. QMDİ din cemiyetleri ile iş alıp barğan bölükniñ reberi Raim Gafarov yarımada müsülmanları arasında çeşit aqıntılarnıñ darqalması, menfiy tesiri aqqında lektsiya oqudı. Soñra, Müftiyatnıñ sertifikatsiya ve standartizatsiya bölüginiñ hadimi Ridvan Maksudov "elâl" işhaneniñ tesis etilüvi boyunca malümat berdi. İmamlar daa çoq problemler aqqında, hususan topraq ve milletlerara munasebetleri meseleleri aqqında ikâye ettiler. Toplaşuvnıñ soñunda, iştirakçilerge yerli eali arasında darqatmaq içün "Hidayet" gazetası berildi. QMDİ MDT matbuat hızmeti [gallery link="file" columns="4" size="medium" ids="6773,6771,6769,6767,6765,6763,6761,6759,6757,6755,6753,6751,6749"]