Qırım musulmanları Müftisiniñ muavini Muhammed İslamov Oraza bayramı munasebetinen Keriçteki № 2 tüzetüv koloniyasını ziyaret etti.
O, Qırım Müftisi hacı Emirali Ablayev adından mahküm etilgen musulmanlarnı hayırlap, olarğa tatlılıqlar ikram etti.
Dindaşlarımız içün Oraza bayramınıñ qayd etilüvine bağışlanğan lektsiya-suhbet keçirildi. Bundan soñ, Muhammed İslamov vatandaşlarınen beraber cemaat duasını yaptılar.
Qırım Cumhuriyeti ve Sevastopol şeeri musulmanları diniy idaresi Cezalarnı icra etüv boyunca federal hızmetniñ idaresi (ÜFSİN) rehberligine, işbu idare başlığınıñ diniy meseleler boyunca yardımcısı Roman Tsurkanğa, lâqayd qalmağan iş adamlarına ve göñüllilerge mahküm etilgen musulmanlar içün bayramnı teşkil etmege yardım etkenleri içün teşekkürler bildire.
Qırım MDİ matbuat hızmeti