“Süyren” turağında cami açıldı | ЦРО ДУМК

Среда

22

мая

14
Зуль-къаде
1445 | 2024
Утр.3:11
Вос.4:56
Обед.12:45
Пол.16:45
Веч.20:23
Ноч.22:08
Времена намазов
Календарь 2024

Намаз

“Süyren” turağında cami açıldı

Опубликовано:

Bağçasaray rayonında, “Süyren” stantsiyasında yerleşken sürgünlik qurbanlarınıñ hatırasına bağışlanğan külliye saasında Reabilitatsiya etilgen Qırım halqlarınıñ ğayrıdan tiklenüvi kününe bağışlanğan tantanalı merasim olıp keçti.

Tedbir çerçivesinde külliyedeki mimariy kompozitsiyanıñ bir parçası olğan caminiñ açılışı olıp keçti.

Bundan ğayrı, “Qırım halqlarınıñ ğayrıdan tiklenüvi yolu” hatıra külliyesiniñ saasında ortodoks (pravoslav) kilisesi de taqdis etilip, açıldı.

Camide Qırım ve Sevastopol musulmanları Müftisiniñ muavini Artur Reşitovnıñ rehberliginde dua oquldı. Kiliseniñ tantanalı taqdis ayınını da Qırım Yeparhiyasınıñ Bağçasaray bölgesiniñ baş papazı Pötr keçirdi.

Bundan da ğayrı, hatıra külliyesiniñ saasında “Hatıra çaprazları” sergisiniñ açılışı olıp keçti. Sergide reabilitatsiyadan keçken halqlarğa mensüp ressamlarınıñ resimleri numayış etile.

Hatıra merasiminde Qırım Cumhuriyeti Medeniyet naziriniñ birinci muavini Ölga Burova, Qırım Cumhuriyeti Milletlerara munasebetler boyunca devlet komiteti başlığınıñ birinci muavini Ruslan Yaqubov, Bağçasaray rayon memuriyetiniñ vekilleri, milliy-medeniy muhtariyetlerniñ temsilcileri, diniy erbaplar, sergide taqdim etilgen eserlerniñ müellifleri, müzey ve kitaphane hadimleri iştirak ettiler.

 

Qırım MDİ matbuat hızmeti