Qırımda kütleviy şekilde Oraza bayramı qayd etildi | ЦРО ДУМК

Среда

22

мая

14
Зуль-къаде
1445 | 2024
Утр.3:11
Вос.4:56
Обед.12:45
Пол.16:45
Веч.20:23
Ноч.22:08
Времена намазов
Календарь 2024

Намаз

Qırımda kütleviy şekilde Oraza bayramı qayd etildi

Опубликовано:

Qırım musulmanları diniy bayramlarından biri olğan Oraza bayramını kütleviy şekilde qayd ettiler. Bayram tedbirleri üç kün devamında Qırımnıñ bütün camilerinde olıp keçti.

Teşkilâtçılar balalar ve olarnıñ ana-babaları içün meraqlı programmalar azırladılar, – viktorinalar, kvestler, sport yarışları, küreş, çeşit attraktsionlar, batutlar, qına yaqmaqnen örneklendirüv ve diger meraqlı oyunlar teşkil etildi. Bütün balalarğa bahşışlar berile edi.

Kütleviy bayramlar Bağçasaray, Aqmescit, Saq, İslâm Terek, Seyitler, Canköy, Aqşeyh, Aqmeçit ve Cürçi rayonlarında olıp keçti.

Bayram tedbirleriniñ esas maqsadı – İslâmdan kelgen diniy qıymetlerniñ, halq ananeleriniñ, urf-adetiniñ müimligini añlatmaqtır.

Bundan da ğayrı, Qırım Cumhuriyeti ve Sevastopol şeeri musulmanları diniy idaresi Aqmescit yaşlarınen birlikte qartlar evinde bulunğan esli-başlı insanlar içün bayram programmasını teşkil etti. Tedbir devamında Quran-i Kerimden sureler tilâvet etildi, ilâhiyler icra etildi, qartlarğa bahşışlar berildi.

 

Qırım MDİ matbuat hızmeti