Kezlev şeer bölgesiniñ baş imamı Eskender Memetov Qırımdaki yekâne sofu qadın Aliye Yaşlavskayanen körüşti. O, Aqmescitte qurulayatqan Büyük Cuma cami içün hacılıqtan ketirgeni qatlanğan Quran ralesini ediye etti. Bundan da ğayrı, Alife Yaşlavskaya Qırım Cumhuriyeti ve Sevastopol şeeri musulmanları diniy idaresiniñ (Tavriya Müftiyatınıñ) kitaphanesine öz kitaplarını bağışladı – “Kezlevskiye tekiye-derviş” (“Kezlevdeki derviş tekiyesi”), “Solonçak – veliçinoy s tseloye hanstvo” (“Bir hanlıq miqyaslı tuzluq”), “O Kezleve ya, Ömerom nareçön!” (“Kezlev aqqında, adım Ümer qoyuldı”).
Yüce Rabbimiz böyle buyura: “Gece ve kündüz, gizli ve açıq olaraq mallarından bergenler içün Rabblerinden mukâfat bar. Olar içün qorqu yoq, olar kederlenmeycekler” (“Baqara” suresi, 2/274).
Alife Yaşlavskayağa ediyeleri içün teşekkür bildiremiz!
Qırım MDİ matbuat hızmeti