Qırım Cumhuriyeti ve Sevastopol şeeri Müftisiniñ muavini Raim Ğafarov Qırım musulmanlarınıñ diniy yetekçisi hacı Emirali Ablayev adından Oraza ve Qurban bayramlarını qayd etilüviniñ teşkil etilmesinde kösterilgen daimiy hayriye yardımları ve destekleri, yaş nesil arasında ananeviy qıymetlerniñ populârlaştırıluvı içün “SHELS HOME” ve “GERD ÖDEJDA” şirketleriniñ saipleri Şevket Usmonov, Lenur Usmanov ve Susanna Bairovağa, em de Qırım musulmanları hayriye fondunıñ göñülli yardımcısı Eldar Mamatovğa teşekkürnameler taqdim etti.
“Biz Allahnıñ razılığını qazanmaq içün yapqan eyi işler yapmaq ğayretiñiz içün sizge teşekkür bildiremiz. Siz, kerçekten de, bayram künlerinde musulmanlarnı quvandırasıñız. Bu pek degerli bir şeydir. Allah eyi niyetleriñizniñ episini qabul etsin ve sizni eki dünyada mukâfatlandırsın”, – dedi Raim Ğafarov.
Qırım MDİ matbuat hızmeti