Mubarek Ramazan ayınıñ yekünlenüvi munasebetinen, Qırım ve Sevastopol Müftisi hacı Emirali Ablayevniñ avalesi ile, Müfti muavini Muhammed İslamov Aqmescitniñ №2 tahqiqat izolâtorını ziyaret etip, tahkiqattan keçken musulmanlarnı Oraza bayramınen hayırladı. Olarğa Qırım Müftisiniñ hayırlavını yetkizip bildirdi ve tezce azat etilmelerini, em de qaviy sağlıq tiledi.
Buña ilâve olaraq, Müfti muavini bayram munasebetinen mahkümlerge tatlılıqlar ikram etti ve Allah Taalâ olarnıñ hayır dualarını ve eyiliklerini qabul etmesini tiledi.
Müfti muavini tahqiqattan keçken musulmanlar içün bayramnı teşkil etmege yardım etken göñülliler ve iş adamlarına teşekkür bildirdi.
Qırım MDİ matbuat hızmeti