Aprel 17 künü (2021 sene) Aqmescitte “Quran bayramı” keçirilecek. Tedbir teşkilâtçısı – Qırım musulman qadınlarınıñ “Büllür” teşkilâtınıñ destegi ile Qırım Cumhuriyeti ve Sevastopol şeeri musulmanları diniy idaresiniñ “Faydalı ilim” maarif leyhasıdır.
Bayram programmasında balalar arasında Quran yarışı, çeşit mevzularda master-klasslarnıñ keçirilmesi – husn-yu hat, kanfet güldestelerniñ yapıluvı, “Zuhruf” tarafından elyapma ilvanlar, vitraj boyalama.
Balalar içün “Qurannen tanışuv” mahsus animatsiya programması azırlanıldı.
Bayram çerçivesinde eski Quranlar sergisi keçirilecek.
Yarış ğalipleri qıymetli bahşışlarnen ve iftarlıq tatlılarnen taqdirlenecek.
“Quran bayramı” saat 10:00 – 15:00 aralarında Aqmescit şeeri, Obyezdnaya, 5 adresi boyunca, “Yangiyül” banket salonında ötkerilecek.
Teşkilâtçılarnıñ telefonı: +7978 014 5163.
Qırım MDİ matbuat hızmeti