Qırım müsülmanları Diniy İdaresinde qadınlar içün “İslâmda ticariy munasebetler” adlı seminar ötkerildi.
Seminarnı ilâhiyatçı Ayder İsmailov alıp bardı. O, İslâm dini noqta-i nazarından alış-verişniñ inceliklerini añlattı. Maliye añlaşmalarnıñ imzalanması, bank hızmetleri saasındaki hususiyetler, marketing ağlarınıñ qullanuvı ve başqa meseleler baqıldı. Bunıñnen beraber, pey ve taqsit kibi añlamlar aydınlatıldı. Seminarnıñ soñunda Ayder oca iştirakiçlerniñ suallerine cevap berdi. Seminarnı Skype vastasınen diñlegen qadınlar da öz suallerini berip oldılar. Tedbir Müftiyatnıñ “Faydalı ilim” leyihası çerçivesinde ötkerilgen kurslarnıñ programmasına kirsetildi. Bu kibi tedbirler ileride de teşkil etilecek.
QMDİ MDT matbuat hızmeti