Yaz – tek tatil ve raatlıq zamanı degildir.Camiler yanında çalışqan yazlıq meydançıqlarınıñ iştirakçileri içün yaz vaqıtnı faydanen keçirip, diniy bilgilerni almaq içün güzel bir imkândır.Meselâ, bu künlerde Aqmescitteki Boğurça qasabasında “İlim bağçası” adlı yazlıq bala meydançığı çalışıp başladı.Bu sene meydançıqnı 107 bala ziyaret ete.Balalar İslâm temellerini ögreneler, boş vaqıtta ise, futbol ve voleybol oynaylar.Qayd etmeli ki, dersler, cuma kününden ğayrı, er kün saat 9.00 – 15.00 arasında keçirile.
Qurman qasabasında da cami saasında “Salsabil” yazlıq lageri başlandı. Ocalar derslerni aftada üç kere: bazar ertesi, çarşenbe ve cuma künleri saat 16.00 – 19.00 arasında keçire.
İhtar.Eger siz Aqmescitteki Boğurça qasabasında ya da Qurman qasabasında yaşağan olıp, balañıznı cami yanında çalışqan yazlıq lagerine yazdırmağa isteseñiz, yerli imamlarğa muracaat ete bilesiñiz.
Qırım MDİ matbuat hızmeti