Bölge baş imamlarınıñ toplaşuvı

Qırım Cumhuriyeti ve Sevastopol şeeri musulmanları diniy
idaresinde Qırım Müftisi hacı Emirali Ablayevniñ yolbaşçılığında bölge
baş imamlarınıñ er aylıq toplaşuvı olıp keçti. Toplaşuvda Qırım
Cumhuriyeti Milletlerara munasebetler boyunca devlet komitetiniñ
yolbaşçısı Ayder Tippa da iştirak etti.
Körüşüvde din erbapları iş meselelerini muzakere ettiler ve
kelecek ayğa iş planını belgilediler.
Toplaşuvda Qırım Müftisi bölgeler içün mesülietli olaraq tayin
etilgen Müfti muavinleriniñ qaysı rayonlarğa baqacaqlarını bildirdi.
Toplaşuvnıñ soñunda bölgelerniñ baş imamları bölgelerinde
darqatmaq içün idaremiz çıqarğan "Hidayet" gazetası yañı sanınıñ
nushalarını aldılar.
Qırım MDİ matbuat hızmeti