Qırım Cumhuriyeti ve Sevastopol şeeri musulmanları diniy idaresiniñ (Tavriya Müftiyatınıñ) qadın ocaları diniy maarif yolunda işini devam eteler. Meselâ, Saq şeerinde mektepten evel çağındaki balalar içün “İman nurları” kursları açıldı. Gruppada artıq 20 bala oquy. Oquv aftada eki kere keçirile.
“Bu kurslar pek müim, çünki balalar diniy terbiye alalar, büyüklerge yaqınlaşalar, edepni ögreneler, biznen beraber namaz qılalar, dualar ögreneler. Ümüt etemiz ki, kelecekte şu balalar milletimizge ve, umumen, insaniyetke fayda ketirecekler”, – dey kurs rehberi, din ocası Gülsum İbragimova.
Aqyarnıñ Yañı Şüli degen köyünde de qadındar ve balalar içün kurslarğa yazıluv devam ete. Din ocası bütün istegenlerge Quran oquvını ögretmege azır. Tafsilâtlı malümatnı nevbetteki telefon boyunca ögrenmek mümkün: +79781606765.
Qırım MDİ matbuat hızmeti