Qırım Cumhuriyeti ve Sevastopol şeeri musulmanları diniy idaresinde “Dolina legend” (“Efsaneler vadiyi”) ticariy markasınıñ “Yug Moloko” (“Cenüp Süt”) mesülieti sıñırlı cemiyetine elâllıq sertifikatınıñ devam ettirilmesi aqqında şeadetname berildi.
İnsanlarnıñ eyiligi oğrunda eyi çalışmalar tilep, şirketniñ marketing boyunca meneceri Arsen Beytullayevğa vesiqanı Qırım Müftisiniñ muavini Ayder İsmailov taqdim etti.
Qayd etmeli ki, Qırımda “Yug Moloko” şirketiniñ eki süt fabrikası çalışa: “Pervomayskoye moloko” (“Cürçi sütü”) ve “Molkombinat Razdolnoye Krım” (“Qırım Aqşeyh süt kombinatı”). “Yug Moloko” şirketi müşterilerine bir sıra aşayt mahsulatlarını teklif ete, – süt, çeşit yağ nisbetli qatıq, bioyoğurtlar, râjenka, qattı ve yımşaq qaşqavallar, irimçik, ekşi qaymaq ve ilâhre.
İhtar: Elâllıq sertifikatnı almağa istegen iş adamları QMDİ “Elâl” sertifikatsiyası merkeziniñ başlığı Remzi Qurtdedege nevbetteki telefon boyunca muracaat ete bile: +7 978 074 18 47, ya da el.adres: halal@qmdi.ru
Qırım MDİ matbuat hızmeti