Cürçi qasabısınıñ camisinde mektep talebeleri arasında eki tilde – qırımtatar ve rus tillerinde inşalar yarışı olıp keçti. Yarışta rayonnıñ 9 köyünden 20-den ziyade talebe iştirak etti.
Taqdirlev merasiminde Qırım Müftisiniñ muavini, Qalay medresesiniñ müdiri Edem Lümanov iştirak etti. Çıqışında, o, Ramazan ayınıñ faziletini añlatıp, em de bilgi almaqnıñ emiyeti ve medresede tahsilniñ hususiyetleri aqqında tarif etti.
Eñ güzel üç inşanıñ müellifi – Asan Tohlu, Emine Yaqubova ve Madina Ğaffarova qıymetli bahşışlarnen – elektron qalemli Quranlarnen taqdirlendiler.
Diger iştirakçilerge de Quran-ı Kerim nushaları ediye etildi.
Bundan da ğayrı, bütün iştirakçilerge Qırım Cumhuriyeti ve Sevastopol şeeri musulmanları diniy idaresinden taqdirnameler ve hatıralıq bahşışlar taqdim etildi.
Qırım MDİ matbuat hızmeti