Aqmescit şeeriniñ memuriyetinde Dinlerara munasebetler boyunca şuranıñ yaşlıq taqımınıñ birinci oturuşı olıp keçti. Tedbirde Qırımda yaşağan farqlı dinlerge mensüp yaş din hadimleri iştirak etti: yehudiyler, musulmanlar ve hristianlar. Qırım Cumhuriyeti ve Sevastopol şeeri musulmanları diniy idaresini (Tavriya Müftiyatını) Aqmescit şeerindeki Kebir caminiñ imamı İsmail Ablayev temsil etti.
Yaşlıq taqımını teşkil etmek ğayesi Şuranıñ azası, Ermeni hristian kilisesiniñ Rusiye ve Yañı Nahiçevan yeparhiyasına ait Aqmescitteki “Surb Akob Kilsesi” yerli diniy teşkilâtınıñ papazı Nerseske ait.
Teklif Şuranıñ nevbetteki oturışında baqıldı ve Şuranıñ başlığı, Aqmescit şeer memuriyetiniñ reisi, Şuranıñ azaları ve Aqmescitniñ diniy teşkilâlarınıñ rehberleri tarafından rağbet ve destek kördi.
Teşkilâtnıñ azaları Halqara balalar kününiñ qayd etilüvi meselesini muzakere ettiler. Bundan da ğayrı, dinlerara tedbirlerniñ keçirilüvi boyunca teklifler seslendirildi: Qırım dağlarına sefer, yaşlıq forumınıñ keçirilüvi ve Halqara yaşlar kününde iştirak etüv.
Qırım MDİ matbuat hızmeti, Aqmescit şeer memuriyetiniñ malümatına esaslanaraq