Musulmanlar içün iftarnıñ ne olğanını añlamağa istegenler bilmeli ki, arap tilinde “iftar” dep, orazalınıñ orazasını açmasına, aqşam yemegini aşamasına aytalar. İftar, aman küneş qavuşqandan soñ, aqşam namazınıñ vaqıtı kirgende yapıla. Onı keçiktirmek ise, mekruhtır.
Bu sene Ramazan ayınıñ ilk künlerinden başlap, Qırımnıñ bütün camilerinde toplu iftarlar ötkerile. Böyle toplu iftarlar içün İmam Maturidiy adına Qalay İslâmiy ilimler medresesinde sadece oquv yurtunıñ talebeleri ve ocaları degil de, yerli sakinler de toplana. Er kün medreseniñ iftarlarına 250-ge yaqın insan kele.
Hatırlatamız, toplu iftarlar Ramazan ayınıñ soñuna qadar Qırımnıñ bütün camilerinde keçirilecek. Meselâ, Aqmescitteki Kebir Camide iftarlar er kün berile.
Qırım MDİ matbuat hızmeti