Qırım Müftisiniñ muavini Esadullah Bairov “Umumrusiye vatandaşlıq kimligi pekitilmesiniñ bir faktorı olaraq, ananeviy diniy-ahlâqiy qıymetler ve etnodiniy munasebetler saasındaki künümiz ketirgen müşküller ve tehlikeler” serlevhalı seminar-praktikumda iştirak etti. Tedbir Qırım Cumhuriyeti Milletlerara munasebetler boyunca devlet komiteti ve Halqlar dostluğı evi tarafından teşkil etildi.
Tedbirde nazirliklerniñ temsilcileri, Rusiye Federatsiyası İctimaiy palatası ve Qırım Cumhuriyeti İctimaiy palatasınıñ vekilleri, Qırım Cumhuriyeti belediyeleriniñ, İç işler nazirliginiñ, Qırım Cumhuriyeti Prokuraturasınıñ, Qırım Cumhuriyeti Gençler işleri boyunca devlet komitetiniñ, V. İ. Vernadskiy adına Qırım Federal Universitetiniñ hadimleri ve Qırımnıñ diniy idarelerniñ temsilcileri iştirak ettiler.
Seminarnıñ iştirakçileri milliy siyasetniñ inkişafı, halqara munasebetler ve akimiyetniñ devlet organları ile vatandaşlıq cemaatçılığınıñ birdem ve effektiv qararlar alınmasında ğayretlerniñ birleştirilmesi meselelerini tafsilâtlıca muzakere ettiler.
İştirak etkenler milletlerara ve dinlerara munasebetlerniñ pekitilmesi meselesiniñ Rusiyede yek millet ve umumrusiye vatandaşlıq kimligininiñ şekillenmesinde müim yer alğanını qayd ettiler.
Seminar-praktikum devamında devletniñ milliy siyasetini ayatqa keçirüv ve ekstremizmniñ ögüni aluv faaliyeti boyunca belediyelerniñ ameliy işleri ve tecribeleriniñ farqlı tarafları muzakere etildi.
Qırım MDİ matbuat hızmeti, MDK matbuat hızmeti materiallarına esasen.