Rusiyeli “GENBANK” AO “Quran – Allahnıñ sözü” serlevhalı eksklüziv kümüş aqçanı bastırdı.
İşbu aqça Aqmescitte qurulğan Büyük Cuma caminiñ kelecekteki açıluvına qararlaştırılıp çıqarılğan.
Aqçanıñ ters tarafında musulmanlarnıñ muqaddes kitabı – Quran-ı Kerimniñ resimi yapılğan.
Üst tarafındaki kemerniñ üstünde arap tilinde yazı yerleştirilip, alt qısımında onıñ rusçağa tercimesi mevcuttır: “НЕТ НИЧЕГО ПОДОБНОГО ВСЕВЫШНЕМУ”, yani “ALLAHQA BEÑZEGEN İÇ BİR ŞEY YOQ”.
Art planda ise, dekorativ örnek yapılğan. Aqçanıñ ög tarafında merkeziy qısımını caminiñ resimi plmaqta.
“Qırım Cumhuriyeti ve Sevastopol şeeri musulmanları diniy idaresi (Tavrida Müftiligi) ile kelişilip çıqarılğan bu aqça bugünki künde musulmanlarnıñ muqaddes kitabı resimi ile yapılğan yekâne paradır”, – dep qayd ettiler Genbankta.
Aqça bahşış qapında keyfiyet sertifikatınen yapılğan.
“Kümüş aqçanıñ ağırlığı – 16,82 g, diametri – 33 mm, darb etilüv yılı – 2021, keyfiyeti – “pruf-layk”, – dep añlattı “GENBANK” AO Perakende biznes bölüginiñ operatsiyalarına destek etüv idaresiniñ başlığınıñ muavini Svetlana Baylova.
Aqça aqqında tafsilâtlı malümatnı “GENBANK” AO ofislerinde ya da Umumiy Malümat Merkeziniñ telefonları vastasınen ögrenmek mümkün:
8-800-333-55-45 (Rusiye boyunca bedava) ya da 8 (365) 255-02-55 (Qırımda).
QMDİ matbuat hızmeti