Aprel 6 künü Qırım Cumhuriyetiniñ Devlet qaydı ve kadastr boyunca devlet komitetiniñ (Goskomregistrniñ) hadimleri işbu komitetniñ reisi İnna Vâçeslavovna Smal rehberliginde Aqmescitteki Büyük Cuma camini ziyaret ettiler. Ekskursiyanı Qırım Cumhuriyeti ve Sevastopol şeeri Müftisiniñ muavini Raim Ğafarov keçirdi.
Qırım Cumhuriyeti ve Sevastopol şeeri Müftisi adından Goskomregistrniñ rehberi ve hadimlerine camilerniñ ve topraq arsalarınıñ devlet qanunları boyunca qayd olunuvında yardımları içün teşekkürnameler taqdim etildi.
Müfti muavini em de İnna Smal ve Devlet komitetiniñ hadimlerine Qırım Cumhuriyetiniñ Büyük Cuma camisine ait vesiqalarınıñ resmiyleştirilüvine yardım etkenleri içün ayrı teşekkürini bildirdi.
Qırım MDİ matbuat hızmeti