Qırım Cumhuriyeti ve Sevastopol şeeri Müftisi hacı Emirali Ablayev Kefe bölgesiniñ din erbaplarınen körüşti. Qırım musulmanlarınıñ diniy yetekçisiniñ suhbetinde imamlar olarnı raatsızlağan meseleler boyunca suallerini berdiler, ortada olğan müşküllerniñ çezilüvi boyunca tevsiyelerini aldılar. Din hadimleri öz yerlerinde din cemiyetlerniñ faaliyeti ve eali arasında maarif işleriniñ keçirilüvini boyunca bir sıra meselelerni muzakere ettiler ve yaqın zamanğa iş planlarını belgilediler.
Bundan da ğayrı, Kefe imamları Aqmescitte qurulğan Cuma camini ve Bağçasaraynıñ tarihiy yerlerini ziyaret ettiler.
Qırım MDİ matbuat hızmeti