Qırım Cumhuriyeti ve Sevastopol şeeri musulmanları diniy idaresinde “Hanno Keysings” mesülieti sıñırlı cemiyetine elâllıq sertifikatınıñ devam ettirilmesi aqqında şehadetname taqdim etildi. Şirket büyük baş ayvanlarnıñ ve qoylarnıñ içeklerinden sosis-salam içün qap fabrikatlarını ihtisal ete. İnsanlarnıñ eyiligi oğrunda eyi çalışmalar tilep, “Hanno Keysing” şirketiniñ meneceri Yekaterina Lısikke vesiqanı Qırım Müftisiniñ muavini Raim Ğafarov taqdim etti. “Qırımda elâl sanayısı inkişaf etkeni pek quvandıra. Qırımda yaşağan farqlı milletlerniñ vekilleri elâlnıñ keyfiyetniñ köstergiçi olğanını saya”, – dep, qayd etti Raim Ğafarov.
İhtar: Elâllıq sertifikatını almağa istegen iş adamları QMDİ “Elâl” sertifikatsiyası merkeziniñ başlığı Remzi Qurtdedege nevbetteki telefon boyunca muracaat ete bile: +79780741847, ya da el.adres: halal@qmdi.ru
Qırım MDİ matbuat hızmeti