Aqmescit rayonındaki Ana Yurt köyüniñ camisinde “Hoş keldiñ, aylarnıñ sultanı Ramazan!” yarışı olıp keçti.
Tedbirde 5-14 yaşı arasında 20-den ziyade bala iştirak etti. Oğlanlar arasında ezan yarışı, qızlar arasında ise, “Menim Ramazanım” mevzusında resim yarışı ötkerildi.
Jüri terkibine Qırım Müftisiniñ muavinleri Raim Ğafarov ve Remzi Qurtdede, Aqmescit rayonı şarqiy bölüginiñ imamı Bekir Adilov ve Ana Yurt köyü din cemiyetiniñ reisi Saadi Akimov kirgen ediler.
Tedbir musafirleri ve iştirakçileri içün cami ocası Zera Osmanovanıñ talebeleri bayram programmasını azırladılar.
Yarış ğalipleri qıymetli bahşışlarnen, diniy kitaplarnen ve “Lezzet” ticariy markasından tatlı aşlarnen taqdirlendiler. Bütün iştirakçilerge kitaplar ve tatlılılqlır berildi.
Qırım MDİ matbuat hızmeti