Qırım Müftisiniñ Qırım Cumhuriyeti ve Sevastopol şeerinde ÜFSİN ile işbirlik boyunca yardımcısı, Aqmescit şeeriniñ baş imamı Muhammed İslamov, Qırım Cumhuriyeti ve Sevastopol şeeri boyunca ÜFSİN başlığınıñ yardımcısı Roman Tsurkannen beraber Aqmescitteki tüzeltüv merkezini ziyaret etti. Din hadimleri mahkümlernen körüşip, ananeviy qıymetler aqqında suhbet keçirdiler. “Men Qırım Cumhuriyeti ve Sevastopol şeeri musulmanları diniy idaresiniñ faaliyeti aqqında tarif ettim. ÜFSİN ile işbirlik – işimizniñ esas yönelişlerinden biri olğanına ayrı urğu yaptım. Biz qıyın vaziyette qalğan insanlarnıñ taqdirine lâqayd degilmiz. Vazifemiz – olarnıñ şu vaziyetten çıqmalarına yardım etmek ve olarğa maneviy destek köstermektir”, – qayd etti Qırım Müftisiniñ yardımcısı.
Suhbet devamında dini hadimleri bir sıra müim meselelerni muzakere ettiler. Hususan, yaqında qayd etilgen Ğalebe künü ve onıñ bütün halqlarnı ve din vekillerini birleştirici timsal olğanı aqqında.
Bundan da ğayrı, Muhammed İslamov diñleyicilerni daima işançlı menbalardan kelgen malümatqa esaslanmağa, sualler peyda olğanda, Qırım Cumhuriyeti ve Sevastopol şeeri musulmanları diniy idaresine (Tavriya Müftiyatı) muracaat etmege çağırdı.
Qırım MDİ matbuat hızmeti