Bağçasaray rayonında İslâm temelleri kursuna qatnağan talebeler Qurmandaki Hafızlar medresesini ve İmam Maturidiy adına Qalay islâmiy ilimler medresesini ziyaret ettiler. Bağçasaray rayonınıñ baş imamı Seitveli İbragimovnıñ sözlerine köre, ziyaretniñ esas maqsadı – balalarğa bilgige sevgi aşılamaqtır. “Bizge Bağçasaray şeerindeki Orta camiden, Ceyhan qasabasından ve Bağçasaray rayonındaki Süyürtaş köyünden talebeler qoşuldı. Biz balalarğa ilimge sevgi aşılamağa tırışamız ve bu yolda olarğa er türlü destek kösteremiz. Olar artıq bizim oquv yurtlarımız aqqında bileler. İleride, diniy maarif yolunı izleseler, olar, men bellesem, şu yerlerde oquycaqlar”, – dedi Seitveli İbragimov.
Bundan da ğayrı, ziyaretniñ teşkilâtçıları sport tedbirlerini de keçirdiler. Ballar medrese talebelerinen tanış olıp, olarnen futbol oynadılar.
İhtar:
Qırım Cumhuriyeti ve Sevastopol şeeri musulmanları diniy idaresi İmam Maturidiy adına Qalay islâmiy ilimler medresesine okuvğa davet ete.
Medreseniñ qızlar ve oğlanlar bölüklerine 8, 9, 10 ve 11 sınıflarnı bitirgen talebeler davet etile. Oğlan ve qız bölüklerinde oquv müddeti – 3 yıldır. Hafızlar bölügine umumtahsil mektepniñ 5 sınıfını yekünlegen talebeler oquvğa qabul etile. Medreseniñ qızlar ve oğlanlar bölükleriniñ mezunları mektepte umumtahsil programmasını yekünlep, tolu orta tahsil aqqında attestatnı ve orta professional tahsil aqqında diplomnı elde eteler.
OQUV – BEDAVA.
YAŞAMAQ – BEDAVA.
AŞAMAQ, İÇMEK – BEDAVA.
Oquşqa kirmeden evel abituriyentler mulâqattan keçeler.
Mulâqatta tabel ya da baalar ile attestatnı ketirmek kerek.
Mulâqatqa kelgen abituriyentler nevbetteki vesiqalarnı taqdim etmeli:
- Attestatnıñ (tabelniñ) baalar ile asıl nushası ve kopiyası;
- Tibbiy spravka, 086-u şekili;
- Aşılamalar aqqında cedvelniñ kopiyası;
- Flüorografiya keçilgeni aqqında qayd vesiqası;
- Pasportnıñ (doğuv şehadetnamesiniñ) kopiyası;
- Ana-babanıñ (resmiy temsilcilerniñ) biriniñ pasportınıñ kopiyası;
- Tibbiy polisniñ kopiyası;
- SNİLS-niñ kopiyası;
- 6 renkli mat fotoresimi, 3h4 büyükliginde.
296173, Qırım Cumhuriyeti, Canköy rayonı, Mayskoye köyü, Gasprinskiy soq, 1.
Telefonlar:
+79788995467 (oğlanlar bölügi)
+79781430507 (qızlar bölügi)
+79788516353 (hafızlar bölügi)
Qırım MDİ matbuat hızmeti