Kefede İ.K. Ayvazovskiy adına resimler galereyası ziyaretçiler içün açıldı | ЦРО ДУМК

Четверг

25

апреля

16
Шевваль
1445 | 2024
Утр.4:02
Вос.5:30
Обед.12:46
Пол.16:34
Веч.19:51
Ноч.21:20
Времена намазов
Календарь 2024

Намаз

Kefede İ.K. Ayvazovskiy adına resimler galereyası ziyaretçiler içün açıldı

Опубликовано:

Qırım Cumhuriyeti ve Sevastopol şeeri Müftisiniñ muavini Ayder İsmailov “İ.K. Ayvazovskiy adına resimler galereyası” belediye devlet medeniyet müessisesiniñ baş binasında tamir işlerinden soñ ekspozitsiyanıñ açıluvında iştirak etti.

Tantanalı merasimde Qırım Cumhuriyetiniñ başlığı Sergey Aksyonov, Qırım Cumhuriyeti Devlet Şurasınıñ başlığı Vladimir Konstantinov, Rusiye Federatsiyası Federal Şurası Devlet Dumasınıñ halq vekili Konstantin Zatulin, Qırım Cumhuriyetiniñ medeniyet naziri Tatyana Manejina, RSFSC halq artisti Nikita Mihalkov, Qırımnıñ milliy-medeniy avtonomiyalarnıñ ve din cemiyetleriniñ vekilleri, belediye akimiyeti ve digerleri iştirak ettiler.

Galereyanıñ fondunda ulu rus ressamı İvan Ayvazovskiy icad etken resimlerniñ dünyadaki eñ büyük kollektsiyası buluna, bu, umumen, 416 boyalı resimler ile grafika boyunca etalon çalışmalarıdır. Müzeyniñ ziyaretçileri içün vestibül, üç musafir odası, İvan Ayvazovskiyniñ kabineti, onıñ iş odası ve büyük zal üstündeki balkon açıldı.

Galereyada evel keçirilmegen raatlıq künü ekskursiyalarınıñ keçirilüvi de planlaştırıla.

 

Qırım MDİ matbuat hızmeti