Mubarek Ramazan ayında bütün Qırım boyunca toplu iftarlar keçirile. Bugün Qırım Cumhuriyeti ve Sevastopol şeeri musulmanları diniy idaresiniñ hadimleri Saq rayonınıñ Çervonoye köyünde, Aqyar şeer dairesiniñ Nahimov rayonına ait Mamaşay (Orlovka) köyünde ve Qurman Kemelçi qasabasında olıp keçken iftarlarda bulundılar.
Qırım Müftisiniñ muavini Raim Ğafarov bildirgenine köre, Ramazan ayındaki toplu iftarlar insanlarnı birleştirip, olarnı merhametlikke, güzel ahlâqqa, adaletke, maneviy inkişafqa ve maneviy arınuvğa yönlendire, imannı qaviyleştirip, cemiyette añlayış ve çıdamnıñ yerleşmesine yardım ete.
Qırım MDİ matbuat hızmeti