Aqmescitteki №43 mektebiniñ 160-tan ziyade talebesi ve 20 ocası Büyük Cuma camini ziyaret ettiler.
Büyük Cuma cami külliyesi boyunca ekskursiyanı Qırım Müftiliginiñ hadimi Eldar Adilşayev keçirdi.
Talebelerge caminiñ quruluşı, leyhası, cami bezetilmesiniñ incelikleri aqqında tarif etildi. Bundan da ğayrı, №43 mektebiniñ talebelerine caminiñ Qırım musulmanları ve, umumen, yarımadada yaşağan halqlar içün emiyeti añlatıldı. İşbu obyektte qırımtatar halqınıñ diniy ve milliy özgünligi aks olunğan.
Eldar Adilşayevniñ qayd etkenine köre, böyle ziyaretler yaş nesil içün pek emiyetlidir, böylece olar dinimizni, onıñ hususiyetlerini ve qıymetlerini ögreneler. Olarğa milliy ananeler ve medeniyetlerniñ çeşitliligi aqqında bilgi berile.
Qırım MDİ matbuat hızmeti