Qırım Cumhuriyeti ve Sevastopol şeeri musulmanları diniy idaresinde “Mevlüd” ticariy markasını temsil etken iş adamı Mevlüdov Server Rasimoviçke elâllıq sertifikatınıñ devam ettirilmesi aqqında şehadetname berildi. İnsanlarnıñ eyiligi oğrunda eyi çalışmalar tilep, vesiqanı salam tsehiniñ rehberi Rustem Mevlüdovğa Qırım Müftisiniñ muavini Ayder İsmailov taqdim etti. Qayd etmeli ki, iş adamı Server Mevlüdov salam (kolbasa) ve islengen et mahsulatlarınıñ istihsalına rehberlik ete.
İhtar: Elâllıq sertifikatını almağa istegen iş adamları QMDİ “Elâl” sertifikatsiyası merkeziniñ başlığı Remzi Qurtdedege nevbetteki telefon boyunca muracaat ete bile: +79780741847, ya da el.adres: halal@qmdi.ru
Qırım MDİ matbuat hızmeti