Qırım Müftisiniñ Cezalarnı icra etüv federal hızmeti idaresi (UFSİN) ile işbirlik boyunca muavini, Aqmescit şeeriniñ baş imamı Muhammed İslamov Aqmescitteki №1 apishaneni ziyaret etti.
“Men Qırım musulmanlarınıñ diniy yetekçisi, hacı Emirali Ablayevniñ selâmını yetkizdim. Balalarğa tezce azat olmalarını ve qorantalarına qaytmalarını tiledim”, – qayd etti Muhammed İslamov.
Bundan da ğayrı, Muhammed İslamov dindaşlarımız içün diniy ders keçirdi, olarnı meraqlandırğan suallerni cevapladı. O, apishane saasında yerleşken caminiñ temizligini teşkerdi ve kerekli islâmiy diniy edebiyatnıñ bar olıp-olmamasına diqqat etti.
Qırım MDİ matbuat hızmeti