Qırım Cumhuriyeti ve Sevastopol şeeri musulmanları diniy idaresiniñ Merkezleştirilgen Diniy Teşkilâtı Hacı İhsan adına Qalay islâmiy ilimler medresesine oquşqa davet ete.
Oğlanlar ve qızlar bölügine 9 ve 11 sınıflarnı bitirgen talebeler davet etile;
Hafızlıq bölügine ise, 5 sınıfnı bitirgen talebeler qabul etile.
Er bölükte oquv müddeti 2 yıldır.
Medreseniñ oğlanlar ve qızlar bölükleriniñ mezunları, mektep tahsilini yekünlep, tolu orta tahsil attestatını alalar, bundan da ğayrı, orta professional diniy tahsil aqqında diplomlarnı elde eteler.
Medresede oquv, yaşamaq ve aş-suv bedavadır.
Vesiqalar 2020 sene, iyül 1 kününden başlap, iyül 31 kününe qadar onlayn şekilde qabul etile.
Boş yerler qalsa, qabul etüv, ilâve olaraq, avgust 05-20 künlerinde de keçirilecek.
Oquşqa kirmek içün abituriyetler mulâqattan (red. sobesedovaniye) keçmeli.
Mulâqat esnasında talebeniñ yanında tabel ya da baalar ile attestat olmalı.
Mulâqattan keçken abituriyentler böyle vesiqalarnı taqdim etmeli:
- Baalar ile attestatnıñ (tabelniñ) özü ve kserokopiyası;
- 086-u şekil tibbiy spravka;
- Alınğan aşılavlar cedveliniñ kopiyası;
- Flürografiyadan keçkeni aqqında malümat kâğıtı;
- Pasport (doğuv şeadetnamesi) kopiyası;
- Ana-babadan (resmiy temsilcilerden) birisiniñ pasport kopiyası;
- Tibbiy polisniñ kopiyası;
- SNİLS-niñ kopiyası;
- 3х4 ölçüde 6 renkli fotografiya.
Mulâqat aşağıdaki adreste keçirilecek:
296173, Qırım Cumhuriyeti, Mayskoye köyü, Gasprinskiy soqağı, 1.
Malümat içün telefonlar:
+7978-117-26-17 (Medrese müdiri)
+7978-899-5447 (oğlanlar bölügi);
+7978-143-05-07 (qızlar bölügi);
+7978– 876-70-12 (hafızlıq bölügi)
QMDİ matbuat hızmeti