Qırım devlet komitetinde iş muşaveresi | ЦРО ДУМК

Суббота

24

февраля

14
Шабан
1445 | 2024
Утр.6:04
Вос.7:21
Обед.13:02
Пол.15:53
Веч.18:33
Ноч.19:49
Времена намазов
Календарь 2024

Намаз

Qırım devlet komitetinde iş muşaveresi

Опубликовано:

Qırım Cumhuriyetiniñ milletlerara munasebetler boyunca devlet
komitetinde devletniñ milliy siyaseti ve milliy zemindeki ekstremizmge
qarşı profilaktika boyunca aktual meselelerni elge alğan iş muşaveresi
olıp keçti.
Tedbir devlet komitetiniñ başlığı Ayder Tippanıñ yolbaşçılığında
olıp keçti. Muşaverede Qırım Cumhuriyeti ve Sevastopol şeeri
musulmanları diniy idaresini Qırım Müftisiniñ muavini Raim Ğafarov
ve Müftilikniñ diniy tedbirlerni teşkil etüv bölüginiñ rehberi, Qırım
Cumhuriyeti Başlığınıñ mesleatçısı Zenife Ablayeva temsil ettiler.
Bundan ğayrı, tedbirde Qırım Cumhuriyetiniñ İçki siyaset,
malümat ve bağ nazirliginiñ, Qırım Cumhuriyeti Antiterroristik
komissiyası Apparatınıñ ve Cemaatçılıq palatasınıñ vekilleri, Qırım
Cumhuriyetiniñ Başlığı yanında çalışqan Qırımtatarlar şurasınıñ, arbiy
komissariatnıñ, milliy-medeniy birleşmelerniñ ve diniy teşkilâtlarnıñ
rehberleri ve azaları iştirak ettiler.
Tedbirde milliy-medeniy ve cemaat birleşmeleriniñ rehberleri ve
azaları tarafından milletlerara davalarğa yol berilmemek kerekligi
aqqında muracaat qabul etildi.
"Bugün biz, milliy-medeniy birleşmelerniñ rehberleri ve azaları,
diniy teşkilâtlarınıñ vekilleri, Qırım sakinlerine muracaat etip, olarnı tek
resmiy malümat menbalarına işanmağa, yalan provokativ çağrı ve
beyanlarğa uymamağa ve milletlerara davalarğa, cemiyetniñ
huzursızlığına yol bermesi mümkün destruktiv ve qanunsız tedbirlerde
ve aktsiyalarda iştirak etmemege çağıramız. Biz, dini ve milleti ne olsa-
olsun, Qırımnıñ bütün sakinleri kibi, Prezidentimiz Vladimir
Vladimiroviç Putinge ve Qırım Cumhuriyetiniñ Başlığı Sergey
Valeryeviç Aksönovğa işançımıznı bildiremiz ve er kesni liderlerimiz
etrafında birleşmege çağıramız", – keçe muracaatta.

Qırım MDİ matbuat hızmeti