Canköy bölgesi din cemiyetleriniñ başlığı Aziz Memetov “Vatanğa sevgi ve Vatannıñ qorçalanması” mevzusında açıq derste iştirak etti. Ders №7 Canköy şeer mektebinde olıp keçti. Tedbirde Muqaddes Meryem Ana kilisesiniñ yolbaşçısı, protoiyerey Vladimir ve vertolöt bölüginiñ qomandanı Yevgeniy Soloşçev de iştirak ettiler.
Aziz Memetov çıqışında vatanperverlik ve Vatanğa hızmet aqqında laf etti. “Yüce Allah bizni farqlı yarattı, bir-birimizni ögrenmemiz içün. Rusiyede bir çoq millet yaşay ve acayıp, dülber bir aldır. Bizim ortaq tarihımız bar, onı er kes bilmeli”, – qayd etti Aziz Memetov.
Qırım MDİ matbuat hızmeti