Qırım Müftiligi muhtaclarnıñ yanındadır | ЦРО ДУМК

Суббота

24

февраля

14
Шабан
1445 | 2024
Утр.6:04
Вос.7:21
Обед.13:02
Пол.15:53
Веч.18:33
Ноч.19:49
Времена намазов
Календарь 2024

Намаз

Qırım Müftiligi muhtaclarnıñ yanındadır

Опубликовано:

Qırım Cumhuriyeti ve Sevastopol şeeri musulmanları diniy idaresi “Merhametlik” aktsiyasını devam etmekte. Qırım Müftisi hacı Emirali Ablayev hayriye yardımında muhtac olğan 28 qorantanen körüşti. Er kesge ilâclarnı almaq, ameliyatlarnı yapmaq ve reabilitatsiyadan keçmek içün maddiy destek kösterildi.

“Biriniñ başına belâ kelgende, çette qalmaq olmaz. Biz muracaat etken er kesge, belânen qarşı qarşığa qalğan kimselerge yardım etmege tırışamız. Añlaymız ki, köstergenimiz yardım, belki de, bütün meselelerni çezmey, hastanı bir kereden ayaqqa qoymay. Amma biz ümütimizni coymaymız ve inanamız ki, dualarımız Yüce Rabbimiz tarafından qabul etilir ve hastalarnıñ şifa tapmasına yardım eter. Biliñiz, siz yalıñız degilsiñiz. Biz – Qırım Müftiligi daima yanıñızdamız”, – dedi Qırım musulmanlarınıñ Müftisi.

İhtar: 2022 senesi iyunniñ soñundan başlap, 2023 senesi iyunniñ başına qadar 75 insan yardım sorap, muracaat etti. 2009 senesinden başlap, “Merhametlik” aktsiyası çerçivesinde 1 505 insan yardım aldı.

 

Qırım MDİ matbuat hızmeti