Qırım Müftisi hacı Emirali Ablayev ile Qırım Cumhuriyeti ve Sevastopol şeeri musulmanları diniy idaresiniñ (Tavriya Müftiyatınıñ) hadimleri Müftilikniñ kâtibi Tamila Abduveliyevağa anası Galina Qurtseitovanıñ bu faniy dünyanı terk etmesi munasebetinen teren taziyelerini bildireler.
“Biz Tamila Abduveliyevanıñ qorantasına yürekten taziye bildiremiz, bu acını keçirmek içün Allah küç ve sabır bersin. Allah rahmet eylesin. Rabbimizge niyaz etip, Oña qaytqan keçmişlerimiz içün merhamet ve mağfiret tileymiz, cennetlik olmalarını nasip eylesin. Epimiz Allahtanmız ve qaytuvımız Oñadır”, – dedi Qırım ve Sevastopol musulmanlarınıñ diniy yetekçisi.
QMDİ matbuat hızmeti