Qırım Cumhuriyeti ve Sevastopol şeeri Müftisi hacı Emirali Ablayev Qırım musulmanları diniy idaresi (Tavriya Müftiyatı) ve “Halqlar dostluğı evi” devlet bücet müessisesi arasında işbirlik aqqında añlaşmanı imzaladı. “Halqlar dostluğı evi” DBM müdiri Larisa Sokirskaya ile añlaşmanı imzalav merasiminde Milletlerara munasebetler işleri boyunca devlet komitetiniñ reisi Ayder Tippa bulundı.
Añlaşmanıñ esas maqsadı – müessiseler arasında Rusiye Federatsiyasınıñ devlet milliy siyaseti, milletlerara ve etnokonfessional munasebetler, Rusiyede yaşağan halqlarnıñ etnomedeniy inkişafı saalarında işbirlikni qurmaqtır. Taraflar añlaşmanıñ emiyetine ayrı urğu yaptılar, çünki Qırım Müftiligi ve Milletler dostluğı evi işbirliginiñ esas maqsadı – Qırımda milletlerara barışıqlıqnı saqlamaqtır.
Qırım MDİ matbuat hızmeti