Qırım Cumhuriyeti ve Sevastopol şeeri musulmanları diniy idaresinde Aqşeyh rayonında bölgeniñ baş imamı, din cemiyetleriniñ reisi vazifelerini eda etken İskender Mambetovnıñ hatırası añıldı. İskender Mambetov 2021 senesi, fevral 8 künü faniy dünyanı terk etti.
Quran oqulğan soñ dua keçirildi. Toplanğanlar Allahqa dua etip, İskender Mambetovnıñ eyi amellerini qabul etmesini, oña rahmet etmesini tilediler.
İskender ağa milletiniñ itibarlı oğlu, kerçek vatanperver edi. O, Qırımda İslâmnıñ ğayrıdan canlanması içün bar küçünen çalıştı, faal diniy ve cemaat faaliyetçisi edi. Allah rahmet eylesin!
Qırım MDİ matbuat hızmeti