Qırım musulmanları diniy idaresi “Faydalı ilim” maarif leyhası çerçivesinde İslâm temelleri ocaları arasında “Eñ faydalı metodik çalışma” boyunca eñ güzel usuliy çalışma boyunca ananeviy yarış ötkerilecek.
Yarış Qırım MDİ din ocaları arasında pedagogik tecribeni populârlaştırmaq, ocalarnı inkişaf etmege teşviq etmek, icadiy potentsiallarını ve ihtisasiy kömpetentsiyalarını yükseltmek içün teşkil etile.
Bugünki künde yarışta iştirak etmek içün Qırım musulmanları diniy idaresiniñ tahminen 20 din ocası teşebbüs kösterdi. “Yañı usul” metodik bölügi yarış işlerini qabul etmege devam ete, neticeler ise, 2021 senesiniñ fevral ayında çıqarılacaq.
Qırım MDİ matbuat hızmeti