Qırım Cumhuriyeti ve Sevastopol şeeri musulmanları diniy idaresinde Qalay islâmiy ilimler medresesiniñ ocaları ile iş muşaveresi olıp keçti. Qırım Müftisiniñ muavini Ayder İsmailov ocalarnen birinci oquv çeriginiñ neticelerini muzakere etti, ocalar ekinci oquv çeriginde talim-terbiye işiniñ planını belgilediler ve teşkiliy meseleler muzakere etildi.
Al-ı azırda Qalay islâmiy ilimler medresesinde 32 yigit ve 29 qız oquy. Hafızlıq medresesinde 27 talebe tahsil köre.
Medresede oquv müddeti 2 yıldır. Mezunlar umumtahsil mektebiniñ programmasını yekünlep, tolu orta tahsil aqqında attestat ve orta ihtisaslı diniy tahsil aqqında diplom alalar. Medresege 9 ve 11 sınıfnı yekünlegen oğlanlar ve qızlar qabul etile.
QMDİ matbuat hızmeti
